Փաստ ինֆո

Մոսկվայում կորոնավիրուսով ծանր հիվանդների մոտ 15 տոկոսը 40 տարեկանից փոքր է: Այս մասին հայտնել են Մոսկվայի կորոնավիրուսի հետ կապված իրադրության վերահսկման եւ մոնիթորինգի օպերատիվ շտաբում:

Գործակալության զրուցակցի խոսքով՝ Մոսկվայում կորոնավիրուսով հիվանդների գրեթե 40 տոկոսը, որոնք միացված են թոքերի արհեստական օդափոխության սարքին՝ 40 տարեկանից փոքր են:

«Վիճակագրությունը ցույց է տալիս, որ հիվանդությունն ընթանում է ծանր վիճակում ոչ միայն տարեց մոսկվացիների մոտ։ Թոքերի ծանր վնասվածքով հիվանդների գրեթե կեսը 60 տարեկանից փոքր անձիք են, նրանք կազմում են ծանր հիվանդների ընդհանուր թվի 45 տոկոսը», - «Ինտերֆաքս» - ին հայտնել են շտաբում:

Օպերշտաբի տվյալների համաձայն՝ Մոսկվայում հիվանդացածների թիվը կազմում է 1014 մարդ, բոլոր հիվանդացածների թվում ՝ 46 տոկոսը՝ 35-ից 64 տարեկան են:

Երկրորդ տեղում՝ հաստատված ախտորոշմամբ մարդկանց թվով, 18-ից մինչեւ 34 տարեկան մարդիկ են (մոտ 33,5%): Եվս 15% - ը 65 տարեկանից բարձր մարդիկ են։ Երեխաները կազմում են 5,5 տոկոսը, շատ դեպքերում նրանք հիվանդությունը տանում են թեթեւ ձեւով կամ ընդհանրապես առանց ախտանիշների, բայց կարող են վիրուսակիր հանդիսանալ, ասել է գործակալության զրուցակիցը:

Աղբյուր` Փաստինֆո