Փաստ ինֆո

«Պոբեդա» ավիաընկերությունը (մտնում Է «Աերոֆլոտ» խմբի մեջ) ապրիլի 1-ից մինչեւ մայիսի 31-ը դադարեցնում է գործառնական գործունեությունը: Այս մասին լրագրողներին հայտնել Է ընկերության ներկայացուցիչը:

Ապրիլի 1-ից լոուքոսթերը կդադարեցնի կանոնավոր չվերթների իրականացումը բոլոր ուղղություններով: Միջոցառումն ընդունվել է ՌԴ կառավարության՝ ավիահաղորդակցության սահմանափակման մասին որոշմանը համապատասխան, ասել է փոխադրողի ներկայացուցիչը:

Օպերացիոն գործունեության կասեցումը «ընկերությանը թույլ կտա ռեսուրսները կենտրոնացնել հակաճգնաժամային ծրագրի եւ թռիչքների վերսկսման նախապատրաստման վրա», - հավելել է նա:

«Մենք բացարձակապես համակարծիք ենք կառավարության ընդունած որոշման հետ։ Հիմա ամենակարևորը մեր քաղաքացիների առողջությունն է։ Այդ պատճառով մենք դադարեցնում ենք թռիչքները եւ կոչ ենք անում բոլորին հնարավորինս տանը մնալ», - ներկայացուցչի միջոցով հայտարարել է ավիաընկերության գլխավոր տնօրեն Անդրեյ Կալմիկովը։

Ապրիլի 1-ից մայիսի 31-ն ընկած ժամանակահատվածում չեղյալ հայտարարված չվերթների բոլոր ուղեւորներին «Պոբեդա» - ն խոստանում է գումարը վերադարձնել անձնական կաբինետի հաշվեհամարի վրա: Այդ միջոցները նրանք կարող են մեկ տարվա ընթացքում ծախսել ցանկացած «Պոբեդա»-ի ցանկացած չվերթի վրա, որոնք կվերսկսվեն սահմանված սահմանափակումների չեղարկումից հետո, հայտնել են ընկերությունում:

Աղբյուր` Փաստինֆո