Փաստ ինֆո

Կառավարության  ԱԺ հարցուպատասխանի ժամանակ ՀՀ վարչապետ Նիկոլ Փաշինյանը հայտարարեց, որ ՀՀ-ում օրավարձով աշխատող հասկացություն գոյություն չունի՝ կա գրանցված աշխատող եւ կա չգրանցված աշխատող:

«Օրավարձով աշխատողների հետ կապված՝ մեկ ու կես տարի մարդկանց կոչ ենք անում լինել օրինական դաշտում, գրանցել աշխատատեղերը գրանցել եկամուտը, ՀՀ-ում օրավարձով աշխատող մարդ գոյություն չունի»,-ի պատասխան ԱԺ ԲՀԿ խմբակցության պատգամավոր Միքայել Մելքումյանի հարցի, թե ինչպես է վարվելու իրականացվելու օրավարձով աշխատողների նույնականացումը:

Փաշինյանը հայտարարեց՝ բոլոր այն մարդիկ, ովքեր գրանցված աշխատող են , կզգան իրենց կարգավիճակի առավելությունը: Նա շեշտեց՝ պարտավորություն է՝ եկամուտը պետք է գրանցվի: Ըստ նրա, կառավարությունը կարողանում է գտնել այն աշխատողներին, ովքեր գրանցված են, հետեւաբար կարող են ճգնաժամային իրավիճակում կառավարել նրա սոցիալական վիճակը:

«Օրավարձով աշխատող այն քաղաքացիները, ովքեր չեն գրանցվել, ընդհանրապես, էն քաղաքացիները, ովքեր ստվերում են եղել, լավ ժամանակներում ասել են՝ մենք թքած ունենք օրենքի վրա, կառավարության կոչերի վրա, այդ նույնականացման պրոբլեմը ունենալու են»,-ասաց Փաշինյանը՝ հարցնելով, թե ո՞նց պարզենք նրանց:

Ըստ Փաշինյանի, կանխավարկածը հետեւյալն է՝ այդ քաղաքացիները սոցիալական ոչ այնքան պաշտպանված խավի մեջ են եւ կառավարության տվյալներից մեկում պետք է գրանցված լինեն՝ Փարոս համակարգում ընդգրկվածներն են, նրանք, ովքեր դիմել են, բայց եռ չեն ընդգրկվել եւ որպես գործազուրկ գրանցվածները:

«Իրենք , երբ աշխատել, եկամուտ են ստացել, չեն հայտարարագրել իրենց…Այդ եկամտահարկը, որ չեն վճարել, հիմա իրենց գտնելու պրոբլեմ ունենք եւ եթե հիմա հայտարարի, որ ես աշխատել եմ, ինքը չի կարողանալու դա ապացուցել»,-հայտարարեց Փաշինյանը ՝շեշտելով, որ օրինապահ քաղաքացի լինելը մի կարգավիճակ է, որը անհրաժեշտ է բոլոր դեպքերում:

Աղբյուր` Փաստինֆո