Փաստ ինֆո

Հայտնի են տնտեսական գործունեության այն տեսակները, որոնց գործունեությունն արգելվել է արտակարգ դրույթան ընթացքում: Հայաստանի Հանրապետության կառավարության կայքում է հրապարակվել արտակարգ դրության պարետ, ՀՀ փոխվարչապետ Տիգրան Ավինյանի որոշումը տնտեսական գործունեության առանձին տեսակներով գործունեություն ծավալելն արգելելու վերաբերյալ։ 

Գործատուներն արտակարգ դրության ժամանակ վճարում են ըստ ցանկության. նոր նախագիծ է մշակվել
 

Այսպիսով, Հայաստանի Հանրապետության ողջ  տարածքում ժամանակավորապես արգելվել է տնտեսական գործունեության հետևյալ տեսակները․

ՀՀ «Առևտրի և ծառայությունների մասին» 2004 թվականի նոյեմբերի 24-ի ՀՕ134-Ն օրենքի 3-րդ հոդվածի 2-րդ կետով սահմանված առևտրի իրականացման վայրեր, բացառությամբ դրանցում գործող՝

1) պարենային ապրանքների վաճառքի իրականացման առևտրի օբյեկտները,

2) դեղատները,

3) գյուղատնտեսական արտադրանքի շուկաները:

ՀՀ էկոնոմիկայի նախարարի 2013 թվականի սեպտեմբերի 19-ի «Տնտեսական գործունեության տեսակների դասակարգիչը հաստատելու մասին» N 874-Ն հրամանի հավելվածով սահմանված՝ «Բարերի և խմիչքների մատուցման համանման կետերի ծառայությունների գործունեություն», «Կինոթատրոններում, բացօթյա կամ այլ կառույցներում կինո և տեսաֆիլմերի ցուցադրում, կինոակումբների գործունեություն», «Շահումով խաղերի կազմակերպման հետ կապված գործունեություն», «Սպորտի, զվարճությունների և հանգստի կազմակերպման բնագավառում գործունեություն», «Այլ անհատական ծառայությունների մատուցում», բացառությամբ՝

1) Ինտերնետի միջոցով իրականացվող շահումով խաղերի և վիճակախաղերի գործունեությունը,

2) Բարերի, սրճարանների գործունեությունը՝ միայն սրճարանների մասով,

3) Շարժական կետերից խմիչքների, ըմպելիքների վաճառքը,

4) Բարերի և խմիչքների մատուցման ծառայություններ այլ կետերից,

 5) Թաղումների կազմակերպման հետ կապված ծառայությունները:

Հիշեցնենք, որ արտակարգ դրությունից ելնելով` սահմանափակումներ են մտցվել մի շարք կառույցների գործունեության մեջ։ Հայաստանում մարտի 16-ին արտակարգ դրություն է հայտարարվել, որը կտևի մինչև ապրիլի 14-ը։

Աղբյուր` Փաստինֆո