Փաստ ինֆո

Նախ` պետք է սահմանել մեկուսացման ու ինքնամեկուսացման կանոններ եւ հետո միայն բարձրացնել դրանք խախտելու համար պատասխանատվության հարց։

Այս մասին այսօր ԱԺ-ում հայտարարել է ՀՀ ԱԺ «Լուսավոր Հայաստան» խմբակցության պատգամավոր Տարոն Սիմոնյանը։ Հիշեցնենք՝ ԱԺ-ն այսօր արտահերթ նիստում քննարկում է «Հայաստանի Հանրապետության քրեական օրենսգրքում լրացում կատարելու մասին» եւ «Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին» օրենքների նախագծերի կառավարության ներկայացրած փաթեթը, որի ժամանակ Տ.Սիմոնյանն անդրադարձավ առկա բացթողումներին։

«Մեր անհամաձայնությունը կառավարության հետ նրանում է, որ կառավարությունը գտնում է, որ ինքնամեկուսացման ու մեկուսացման կանոններն արդեն իսկ գոյություն ունեն, մինչդեռ մեկուսացման և ինքնամեկուսացման կանոնները, այն է՝ անձի հիմնարար իրավունքները սահմանափակող ցանկացած կանոն կարող է և պետք է սահմանվի բացառապես օրենքով։ Դա ոչ միայն Սահմանադրության պահանջն է, այլևս Մարդու իրավունքների եվրոպական դատարանի»,-ասաց Սիմոնյանը։

Նա շեշտեց, որ եթե այդ կանոնները կան, ապա անձինք պետք է կոնկրետ կանոնների վերաբերյալ տեղեկացված լինեն։
«Իրավասու մարմինները, կոնկրետ անձանց, ովքեր մեկուսանում կամ ինքնամեկուսանում են, պարտադիր ձևով պետք է ներկայացնեն, թե որ կանոնները պետք է պաշտպանվեն ու պահպանվեն, հակառակ պարագայում եթե նման տեղեկատվություն չինի ու բացառապես ԶԼՄ-ներով Կառավարությունն արտահայտի մեկուսացման ու ինքնամեկուսացման կանոնները, ապա դրանք քրեական պատասխանատվության առաջացման համար հիմք չեն կարող հանդիսանալ»,-ասաց

ԼՀԿ խմբակցության պատգամավորը։

Նա հորդորեց Կառավարությանը օր առաջ օրենքի մակարդակով նախաձեռնի կանոնների սահմանում, որպեսզի նախատեսված քրեական ու վարչական հոդվածը կիրառական պրկտիկայում իմաստ ունենա։

Հեղինակ՝ Սոնա Գեւորգյան

Աղբյուր` Փաստինֆո