Փաստ ինֆո

Նոր տիպի կորոնավիրուսի բռնկման հետ մեկտեղ մարդկանց մոտ առաջացել է առարկաներին դիպչելու վախ : Հանրային վայրերում հաճախ ականատես ենք լինում, թե ինչպես են մարդիկ փորձում դուռը բացել արմունկներով ամեն կերպ խուսափելով բռնակին դիպչել: Գրասենյակներում, հիվանդանոցներում, խանութներում և ռեստորաններում մաքրությունը կատարվում է ավելի խիստ ռեժիմով:

Ինչպես շատ այլ շնչառական հիվանդություններ, այնպես էլ կորոնավիրուսը տարածվում է, երբ վարակված մարդը հազում կամ փռշտում է, ինչի հետևանքով դուրս են գալիս փոքրիկ կաթիլներ: BBC-ի փոխանցմամբ մեկանգամյա հազը կարող է արտադրել մինչև 3000 նմանատիպ կաթիլներ: Եվ այդ փոքր մասնիկները կարող են հայտնվել մարդկանց հագուստին, ինչպես նաև նրանց շրջապատող առարկաների վրա, այդ թվում որոշ փոքր մասնիկներ էլ կարող են օդում մնալ: Սակայն ոչ ոք հստակ չգիտի, թե որքան է Covid-19-ի վիրուսը SARS-COV-2-ը մնում մակերևույթի վրա: Ըստ պարբերականի որոշ գիտնականներ, ուսումնասիրելով կորոնավիրուսի այլ տեսակներ, պարզել են, որ դրանք մետաղի, ապակու և պլաստիկի վրա կարող են մնալ մինչև 9 օր, եթե իահրկե պատշաճ կերպով չեն ախտահարվում:

Որոշները կարող են ցածր ջերմաստիճանի դեպքում մակերևույթի վրա մնալ անգամ մինչև 28 օր: ԱՄՆ առողջապահության ինստիտուտի մասնագետները իրականացրել են մի քանի փորձնական թեստեր պարզելու, թե որքան ժամանակ կարող է SARS-COV-2-ը մնալ առարկաների վրա: Նրանց ուսումնասիրությունների արդյունքում պարզ է դարձել, որ վիրուսը կարող է գոյատևել մինչև երեք ժամ, մինչդեռ ստվարաթղթի վրա կարող է մնալ մինչև 24 ժամ, իսկ պլաստիկի և չժանգոտվող պողպատե մակերևույթների վրա կարող է մնալ մինչև 3 օր:

Աղբյուր` Փաստինֆո