Փաստ ինֆո

Տարեց կնոջը հոսպիտալացրել են մարտի 13-ին, շուտով նա հայտնվել է վերակենդանացման բաժանմունքում։ Պացիենտը տառապել է բազմաթիվ քրոնիկ հիվանդություններով, եւ բժիշկներին չի հաջողվել փրկել նրան.

Մոսկվայում՝ ուղեկցող քրոնիկ հիվանդությունների ֆոնին ծանր թոքաբորբի հետեւանքով մահացել է հիվանդ կինը, որի մոտ ախտորոշվել է նոր կորոնավիրուս: Այս մասին հայտնում է կորոնավիրուսի դեմ պայքարի Մոսկվայի օպերատիվ շտաբը ։

79-ամյա կինը հոսպիտալացվել մարտի 13-ին։ Նրան սկզբում ուղարկել են մասնավոր կլինիկա, բայց այն բանից հետո, երբ թեստը հաստատել է կորոնավիրուսի առկայությունը, նրան տեղափոխել են թիվ 2 ինֆեկցիոն հիվանդանոց ։

«Շնչառական անբավարարության ուժեղացման հետ կապված ստացել է համալիր ինտենսիվ թերապիա։ Ինֆեկցիոն հիվանդանոցում գտնվել է մեկուսացված սենյակում։ Մահն առաջացել է թոքաբորբի հետեւանքով՝ շատ ծանր ուղեկցող պաթոլոգիայով ուղեկցվող», — հայտնել են օփերշտաբից ։

Կորոնավիրուսային թոքաբորբից բացի, հիվանդ կնոջ մոտ եղել են երկրորդ տիպի շաքարային դիաբետ, զարկերակային հիպերտենզիա, սրտի իշեմիկ հիվանդություն, աթերոսկլերոզ: Վերջերս նրան արվել է կորոնար զարկերակների ստենտավորում։

Մահացած կնոջ շփման ամբողջ շրջանակը ճշտվել է, հայտնել են օփերշտաբում, նրա մտերիմները գտնվում են հսկողության տակ: Հիվանդության ծանր ախտանշաններ նրանցից ոչ մեկը չունի ։

Հիվանդի մահվան մասին իր Twitter-ում հայտնել է նաեւ Մոսկվայի քաղաքապետ Սերգեյ Սոբյանինը: «Ցավոք, մենք ունենք կորոնավիրուսային վարակից առաջին կորուստը։ 79-ամյա կնոջ թոքաբորբը բարդացել է ծանր հիվանդություններից՝ երկրորդ տիպի շաքարային դիաբետից, աթերոսկլերոզից, հիպերտոնիայից», — գրել է նա ։ Քաղաքապետը ցավակցություն է հայտնել կնոջ հարազատներին ու մերձավորներին ։

Աղբյուր` Փաստինֆո