Փաստ ինֆո

Արտակարգ իրավիճակի այս պայմաններում առկա բոլոր գործիքները կկիրառվեն ուսումնական պրոցեսի անընդհատությունն ապահովելու համար։ Այս մասին այսօր հրավիրված ասուլիսում ասաց Կրթության, գիտության, մշակույթի և սպորտի նախարար Արայիկ Հարությունյանը։

Նա հյատնեց, որ բուհերն արդեն սկսել են դասապրոցեսն անցկացնել հեռավար ուսուցմամբ․ «Այսինքն մենք բուհերի առումով, ըստ էության, խնդիրեր չենք ունենալու ու բուհերում իրականացվող այս գործընթացի մոնիթորինգ կանենք առաջիկա օրերին ու կհասկանանք գործընթացների ամբողջականությունը>>։
Խոսելով հանրակրթական հաստատությունների մասին՝ ԿԳՄՍ նախարարն ասաց, որ առանց նախարարության միջամտության արդեն որոշ ուսումնական հաստատություններ՝ առանձին դեպքերում դասարաններ, առանձին դեպքերում ուսուցիչներ, սկսել են կիրառել առցանց հարթակներ՝ կրթական պրոցեսի անընդհատությունն ապահովելու համար։

«Ես այդ մասնագետներին , այդ ուսումնական հաստատությունների ղեկավարներին, կազմակերպիչներին ողջունում եմ և ասում եմ, որ դուք մեր գործընկերներն եք ու մենք ենք ձեր գործընկերը, միասին համագործակցությամբ այս փուլը պետք է անցնենք ու օգնենք բոլոր այն կրթական հաստատություններին, որոնք մինչև հիմա հնարավորություն չեն ունեցել հեռահար ուսուցում կազմակերպել»,-ասաց Հարությունյանը։

Նա ընգծեց, որ նախկիում վճարովի հարթակներից շատերը բացվել են ու հիմա անվճար են․ «Մենք այս հնարավորությունից նույնպես պետք է օգտվենք։ Չենք կարող ասել, որ այս պահին կարող ենք ապահովել բոլոր հնարավորությունները, բայց սա դառնալու է հեռավար ուսուցման հանրակրթության ոլորտում համազգային պիլոտային ծրագիր»։

Նա հայտնեց, որ ստեղծվել է https://heravar.armedu.am պորտալը, որտեղ հեռավար կրթություն ծրագրեր իրականացնող հարթակների մասին ինֆորմացիա է հավաքված։

«Մենք իրականացնելու ենք և՛ րագրերի մշակման գործընթաց, և՛ վերապատրաստումների գործընթաց, որովհտև հասկանում ենք՝ ոչ բոլոր ուսուցիչներն ունեն բավարար հմտությւոններ այս համակարգերը կիրառելու հարցում»,-ասաց Հարությունյանը։

ԿԳՄՍՆ-ն նաև ընդգծեց, որ «Հանրային հեռուստաընկերության» հետ համատեղ ստեղծել են դասախոսությունների, դասերի անցկացման հնարավորություն՝ հենց հեռուստաընկերության եթերում։

«Առավոտյան 08։30-09։30 կլինեն դասեր, դրանք կվերսկսեն 11։30-12։40։ Շատ լավ առաջարկ ենք ստացել մեր գործընկեր Ucom-ից․ իրենք առանձին ալիք են տրամադրելու նման դասերի համար, եւ 24 ժամ ունենալու ենք նման դասընթացներ։ Հիմա ծավալը կարող է քիչ լինել, բայց արդեն գնում են ձայնագրություններ, հավաքում ենք ուսուցիչներ, որոնք դասախոսություններ կկարդան, որոնք կմատուցվեն աշակերտներին։ Մենք ունենալու ենք յութուբյան առանձին ալիք, որտեղ հավաքվելու են բոլոր այս նյութերը, եւ այդ ալիքի այցելությունների թրաֆիքը Ucom ընկերության հաճախորդների համար լինելու է անվճար։ Վստահ եմ, որ մեր մյուս օպերատորները եւս կմիանան այս նախաձեռնությանը»,-ասաց Հարությունյանը։

Աղբյուր` Փաստինֆո