Փաստ ինֆո

ՀՀ վարչապետ Նիկոլ Փաշինյանը քիչ առաջ ֆեյսբուքյան ուղիղ եթերում տեղեկություններ է հաղորդել կորոնավիրուսով հիվանդների առողջական վիճակի վերաբերյալ։

«Երեկ տեղեկություններ եղան, որ մեր հիվանդներից 2-ի վիճակը վատ է , ծանր է։ Ես երեկ էլ, այսօր էլ խոսակցություն եմ ունեցել այս թեմայով։ Մեր 52 դեպքերից թոքաբորբ ունեն 2-ը, և առողջապահության նախարարությունն, ըստ էության, երաշխավորում է, որ այդ մարդիկ բուժվում են ու բուժվելու են»,-ասաց վարչապետը։

Նրա խոսքով, թոքաբորբ ունեցող երկու քաղաքացիներից մեկի տաքությունն այսօր առավոտյան 36,8 աստիճան է եղել, իսկ մյուսինը՝ 37։

«Մյուս մեր հիվանդների ջերմությունը 36,4, 36,8, 37, 8, 37,7, 36, 1, 36,9, 36,6, 37, 36,3, 35,2, 37, 36, 36,6, 36,6, 36,4, 36,8, 36,8, 36,7, 36,9, 36,8, 36,8, 36,5 36,2, 36,7 է և այսպես շարունակ։ Այս տվյալները կարևոր են կորոնավիրուսի նկատմամբ մեր իմացության աստիճանը բարձրացնելու ու մեր հետագա ռազմավարությունը որոշելու առումով։ Ռազմավարական առումով ես կրկին ուզում եմ շեշտը դնել մեզանից յուրաքանչյուրի անհատական ու սոցիալական պատասխանատվության վրա»,-ասաց Փաշինյանը։

Նրա խոսքով, Կառավարության ռազմավարությունն է՝ հետեւել դեպքերին ու մեկուսացնել դրական ախտորոշված մարդկանց հետ շփում ունեցած անձանց։

«Բայց հիմա փաստն այն է, որ մենք հիվանդանոցներում պահում ենք մարդկանց, ովքեր բուժման ոչ մի կարիք չունեն։ Մեր առաջին դեպքի ժամանակ 14 օր այդ մարդն ուղղակի հիվանդասենյակում նստեց, որևէ դեղ, որևէ բուժում չեղավ, և 15-րդ օրը նրա թեստը բացասական եղավ, գնաց իրենց տուն»,-ասաց Փաշինյանը։

Նա ընդգծեց՝ պետք է հասկանալ որքանով է նպատակահարմար բուժման կարիք չունեցող մարդկանց հիվանդանոցում պահելը․ «Նույն մարդը նույն հաջողությամբ կարող էր իր տանը ապրել, այն պայմանով , որ 14 օրվա ընթացքում այլ մարդկանց հետ կապ շփում պետք է չունենար կամ էլ սահմանափակում լիներ։ Երբ այսպես ենք նայում հարցին, հասկանում ենք, որ կորոնավիրուսն իրականում այնքան էլ սարսափելի չէ, որքան իր մասին ընդունված է ասել, եթե խոսքը վերաբերում է 70-ից ցածր տարիք ունեցող կամ խրոնիկական հիվանդություն չունեցող անձանց»։

Մանրամասները՝ Տեսանյութում

Աղբյուր` Փաստինֆո