Փաստ ինֆո

ՀՀ կառավարությունը կքննարկի հանրապետության որոշ տարածքներում արտակարգ դրություն հաստատելու հարցը: Այս մասին այսօր հայտարարել է ՀՀ վարչապետ Նիկոլ Փաշինյանը` չբացառելով նաեւ հանրաքվեի չեղարկումը:

«Որեւէ քաղաքական նպատակ չի կարող ավելի բարձր լինել, քան հանրային առողջությունը», - ասել է վարչապետն ու ընդգծել, որ առաջիկա օրերին կքննարկեն եւ որոշում կկայացնեն։ «Եթե տեսնենք, որ իրավիճակը լինելու այնպես, որ հանրաքվեն եւ համաճարակային իրավիճակը հակասում են իրար, մենք դրա մասին որոշում կկայացնենք։ Բայց այդ որոշումը կլինի հիմնավորված։ Այս պահին չեմ ուզում իմ վերջնական գնահատականն ասել։ Կառավարությունը վաղը կքննարկի նաեւ ՀՀ որոշ հատվածներում արտակարգ դրություն հաստատելու հնարավորությունը, եթե այդպիսի անհրաժեշտություն կլինի։ Ես ուզում եմ ասել, որ մեր քայլերն ուղղված են ոչ թե մի իրավիճակի, որ իրավիճակը վերահսկողությունից դուրս է եկել, այլ մենք ուզում ենք ամեն ինչ անել, որ լայնածավալ կանխարգելիչ միջոցառումներն իրականացնել»,-ընդգծեց վարչապետը։

Նշենք, մարտի 15-ին` ժամը 22-ի դրությամբ` հանրապետություն կորոնավիրուսով հիվանդների թիվը հասել է 28-ի, փակվել են Էջմիածին քաղաքի մուտերի մեծ մասը. Քաղաքից ելք ու մուտքի համար թողնվել է երեք անցակետ, որտեղ կստուգվեն նաու քաղաքից դուրս գալ ցանկացող անձանց ջերմությունը:

Աղբյուր` Փաստինֆո