Փաստ ինֆո

Չինացի մասնագետները հայտնել են, որ կորոնավիրուսի գլոբալ համաճարակը կարող է ավարտվել մինչեւ հունիս, եթե երկրները անհրաժեշտ քայլեր ձեռնարկեն դրա դեմ պայքարելու համար: Այս մասին հայտնում է The Straits Times պարբերականը ։

Երկրի առողջապահության համակարգի ներկայացուցիչների խոսքերով՝ Հուբեյ նահանգում հիվանդացության գագաթնակետն անցել է: Նոր գրանցվող դեպքերի քանակը նվազել է խիստ միջոցների, այդ թվում՝ մասշտաբային կարանտինի, շնորհիվ։ Այլ երկրներում հիվանդության տարածումը կանխելու համար անհրաժեշտ է պահպանել ԱՀԿ-ի հանձնարարականները, ինչպես նաև ջանքեր գործադրել ազգային մակարդակով։ Բացի այդ, հիվանդացությունը պետք է նվազի տաք ամիսների սկսելուն պես, կարծում են մասնագետները:

Վիրուսի տարածման նկատելի դանդաղեցման պատճառով Չինաստանի իշխանությունները կամաց-կամաց թուլացրել են զսպման խիստ միջոցառումները, այդ թվում՝ ուղեւորությունների սահմանափակումները, ինչպես նաեւ թույլ են տվել որոշ ոլորտների վերսկսել արտադրությունը:

Ընդհանուր առմամբ չորեքշաբթի Չինաստանում գրանցվել է 15 նոր դեպք, նախորդ օրվա 24-ի համեմատ: Նրանցից յոթը գրանցվել են Հուբեյի սահմաններից դուրս, այդ թվում՝ 6 հիվանդ եկել է արտասահմանից։

Չինաստանի մայրցամաքային մասում գրանցված դեպքերի ընդհանուր թիվը կազմել է 80 793: Երեքշաբթի օրվա դրությամբ 62 793 մարդ ապաքինվել է եւ դուրս է գրվել հիվանդանոցից (վարակման դեպքերի գրեթե 80 տոկոսը):

Աղբյուր` Փաստինֆո