Փաստ ինֆո

Ծեծի ենթարկված փոխգնդապետ Արա Մխիթարյանի բարեկամներն այս պահին բողոքի ակցիա են իրականացնում Կառավարության դիմաց, նրանք պահանջում են հանդիպում Կառավարության անդամներից որևէ մեկի հետ, ով իրենց խոսքերը կփոխանցի ՀՀ վարչապետ Նիկոլ Փաշինյանին։

«Բոլորն ասում են տղաս հարբած է եղել, քանի որ գիտեն անգիտակից վիճակում է։ Հարբած մարդն ինչպես կարո՞ղ է վազել, մարդ ծեծել»,-ասաց փոխգնդապետի հայրը։

Նա նշեց, որ կանիծի բոլոր նրանց, ովքեր կցանկանան իր տղայի գործը կոծկել. «Ձեր գլխին կգա, ինձ պես պետք է տառապեք»։

Հարցին, ինչ ակնկալիքներ ունի դատական նիստից, նա պատասխանեց. «Ինչ ակնկալիք պետք է ունենամ, տեսաք էլի։ Ես դատական համակարգի հետ ոչ գործ եմ ունեցել , ոչ ուզում եմ գործ ունենամ, ոչ էլ ուզում եմ այդպիսի դատավորներին հանդիպել»։

Նա ընդգծեց՝ պատրաստ է կտրուկ քայլերի, սակայն հիմա չի ասի ինչ քայլերի մասին է խոսքը. «Այսօր ես ինչ ասում եմ, շահարկում են, ասում են սպառնալիք է քննչական կոմիտեին, սպառնալիք է պետությանը։ Իրենք այնքան ունեն,, որ չգիտեն որտեղ ինչ ցպնեն, կառավարությանն են տալիս- առնում, դատական համակարգին են տալի- առնում»։

Աղբյուր` Փաստինֆո