Փաստ ինֆո

Երբեմն ժեստերը շատ ավելի հասկանալի են, քան ցանկացած խոսք: Հատկապես արդիական է ժեստերի միջոցով շփումը ճամփորդությունների ժամանակ, երբ տեղական բարբառի գիտելիքները բավարար չեն, բայց անհրաժեշտ է ինչ-որ կերպ բացատրվել:  Ճիշտ է, հարկ է հիշել, որ միշտ չէ, որ մեզ համար սովորական ժեստերը նույն բանն են նշանակում նաև այլ երկրներում։ Իսկ երբեմն էլ դրանք պարզապես կարող են առաջացնել վրդովմունք ու զարմանք օտարերկրացիների մոտ: Որոշ նման ժեստերի մասին պատմում է «Рамблер»-ը։

Շատ հետաքրքիր նշան, որը հայտնի է ամբողջ աշխարհում որպես համաձայնության նշան կամ առ այն, որ ամեն ինչ կարգին է: Իսկապես, շատ երկրներում, միասին միավորված բութ մատն ու ցուցամատ հենց այդպես են մեկնաբանվում։ Բայց ոչ Բրազիլիայում։ Այս երկրում այդ ժեստը նշանակում է միասին գիշերելու հրավեր ։

Գլուխը շոյելը

Այս ժեստը սովորաբար արտահայտում է հավանություն, խրախուսում, ֆուրգուրանք: Շատ երկրներում, բայց ոչ Ասիայի որոշ մասերում: Օրինակ, Չինաստանում կամ Թաիլանդում խստիվ արգելվում է դիպչել ուրիշի գլխին, առանց նրա համաձայնության: Գլխին հպվելու արգելքը գործում է նաեւ ասիական մի շարք երկրներում:

«Այծ»

Այս ժեստը հայտնի է բոլոր ռոքի սիրահարներին, եւ ոչ միայն նրանց: Այն հորինել է Black Sabbath խմբի մեներգիչը՝ որպես խրախուսանքի, դրական տրամադրվածության նշան։ Սակայն Իտալիայում այդպես չեն կարծում։ Այս երկրում «Այծ»-ը նշանակում է, որ կինը հավատարիմ չէ իր տղամարդուն։ «Այծ» ժեստը ցույց տալով որևէ տղամարդու, կա ռիսկ խիստ վիրավորել նրան:

Գլխով անել

Սովորաբար այդ ժեստը նշանակում է ինչ-որ բանի հետ համաձայնություն, իսկ գլուխը ճոճելը՝ ժխտում, մերժում։ Գրեթե ամենուր, բայց ոչ Բալկաններում։ Օրինակ, Բուլղարիայում կամ Ալբանիայում դուք կարող եք հեշտությամբ վրիպել, գլխով անելով օտարերկրյա ընկերոջ ինչ-որ գայթակղիչ առաջարկի: Այնտեղ այդ ժեստերը ճիշտ հակառակ են իրենց սովորական իմաստներին. գլխով անելը նշանակում է «ոչ»,  իսկ գլուխը ճոճելը ՝ «այո»։

Աղբյուր` Փաստինֆո