Փաստ ինֆո

Իշխանության ներկայացուցիչները պնդում են, որ իշխանությունն ատելություն չի քարոզում, շատ լավն է և չգիտենք, թե դա ովքեր են անում։ Սակայն երբեք իշխանության ներկայացուցիչները չեն դատապարտում ատելության խոսքը։ Այս մասին այսօր խորհրդարանում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը։

Նրա գնահատմամբ, ատելության խոսքը իշխանությունները չեն դատապարտում, քանի որ ձեռնտու է իրենց և աջակից է։

«Վարչապետի՝ հակապետական ուժերի վերաբերյալ, ելույթից հետո, ես բազմաթիվ նամակներ եմ ստանում, որտեղ ասվում է, թե մենք «հակա» ենք, մինչ այդ մեզ 100 ձևի կարող էին պիտակավորել, սակայն «հակա» չէին ասի։ Այդ մարդիկ բոլորը ձեզ են աջակցում և հայհոյանքով, քննադատական խոսքով փորձում են լռեցնել ձեր դեմ ուղղված քննադատական խոսքը»,-ասաց Մարուքյանը։

Մարուքյանի խոսքով, միայն կես միլիոնին հասնող մեդիաներ զբաղված են իշխանության քարոզով և քննադատողներին «ոչնչացնելով»։

«Այդ որ Էջմիածնում թաղում արեցին, ո՞վ է դատապարտել, կա՞ պատգամավոր, որ դատապարտել է։ Էջմիածին քաղաքում թաղում են մարդիկ արել, բա ընդդիմությանն ասում էիք՝ «ոչ»-ի շտաբը բացեք, եկեք քարոզի, այդ ինչի՞ համար էիք ասում, որ թաղու՞մ անեք։ Բա որ մի «այո»-ի կողմնակից »ոչ՞-ի կողմնակցի գլխին քարով տա, սպանի, ո՞վ է պատասխան տալու»,-ասաց ԼՀԿ ղեկավարը։

Մարուքյանն ընդգծեց, որ ստեղծված մշակույթի պատասխանատուն իշխանություններն են և եթե անգամ նախկին իշխանությունները ատելության խոսք տարածեն, ապա այսօր դրա պատասխանատվությունն էլ է ներկայիս իշխանություններինը։

«Դուք պետք է դա կարգավորեք, մենք չենք գնալու կարգավորենք, չենք կարող, պետական լծակները ձեր ձեռքին են։ Ժողովուրդը 5 տարով տվել է 73 տոկոս ձայն, որ այնպես անեք՝ մարդիկ չգնան հարսանիք, իրար հետ բանավիճեն, տան սպանեն։ Գնան թաղում քաղաքական այլակարծության համար իրար տան սպանեն։ Այսօր մարդիկ վիճում են հացի սեղանից սկսած, սգո սեղանով ավարտած»,-շեշտեց խմբակցության ղեկավարը։

Աղբյուր` Փաստինֆո