Փաստ ինֆո

Բժիշկ-սրտաբան Լալա Հովհաննիսյանը սպանվել է երկուշաբթի կեսօրին՝ Մոսկվայի հարավ-արեւմուտքում գտնվող իր բնակարանում: Սպանության մեջ կասկածվողը նրա ամուսինն է, ով դրանից հետո փորձել է ինքնասպան լինել, գրում է «Московский комсомолец»-ը:

Ինչպես հայտնի է դարձել «МК»-ին՝ տեղի ունեցածի մասին ոստիկանություն է հայտնել մահացածի որդին՝ բժիշկ-ուսանողը: Նա հայտնել է, որ հայրը ծեծում է մորը։ Դեպքի վայր ժամանած ԱԻՆ աշխատակիցները ստիպված են եղել բացել դուռը, քանի որ տղամարդը փակել էր այն ներսից ։ Բնակարանում ոստիկանները հայտնաբերել են 47-ամյա տանտիրուհու դին՝ դանակի վնասվածքներով, ինչպես նաեւ նրա 60-ամյա ամուսնուն, որը հոսպիտալացվել էր ինքնասպանության փորձից հետո:

Ինչպես հաղորդում է «МК»-ն, մահացած Լալա Հովհաննիսյանը 24 տարվա ստաժ ունեցող սրտաբան էր: Կինը ավարտել է Երեւանի բժշկական ինստիտուտը եւ ՌԴ մայրաքաղաք է տեղափոխվել դեռեւս 90-ականներին: Այս ընթացքում նա հասցրել է աշխատել մի քանի համայնքային պոլիկլինիկաներում որպես սրտաբան: Վերջին տասը տարիների ընթացքում հասցրել է նաև աշխատել մասնավոր բժշկական կենտրոններում։ Ամուսնու հետ, ով 13 տարով մեծ է իրենից, Լալան ծանոթացել է աշխատավայրում: Նրանք, ըստ էության, գործընկերներ են. տղամարդն ավելի քան 30 տարի աշխատել է շտապօգնության մեքենայի վարորդ։ Զույգի միակ որդին նույնպես որոշել է բժիշկ դառնալ։ Այժմ երիտասարդը սովորում է բժշկական բուհերից մեկում ։

Նրա վարկածով՝ ծնողները վիճել են խանդի պատճառով ։

«Հայրս ավելի մեծ է, քան մայրս, և նա հաճախ խանդում էր նրան նույնիսկ հիվանդների հանդեպ: Առիթներ հորինել է դատարկ տեղում, իրականում դրա համար ոչ մի հիմք չի եղել», - քննիչներին պատմել է սպանված կնոջ որդին:

Այդ նույն վարկածը հաստատում են նաև հարևանները ։

«Լավ ընտանիք է. չեն խմել, չեն ծխել: Բայց վիում էին հաճախ. Տղամարդը անընդհատ բղավում էր կնոջ վրա, իշխող տղամարդ էր», - պատմել է ընտանիքի հարեւանուհի Դիանա Գոլոլոբովան ։

Աղբյուր` Փաստինֆո