Փաստ ինֆո

Պետական համակարգում Նիկոլ Փաշինյանն օտար մարմին է։ Այս մասին հրավիրված ասուլիսին ասել է «Քաղաքացիական գիտակցություն» ՀԿ ղեկավար Նարեկ Սամսոնյանը։

«Ուժային կառույցի տրամաբանությունն ու Նիկոլ Փաշինյանի անձն իրար հետ կապ չունեն»,- ասաց Սամսոնյանը։

Վերջինիս խոսքով՝ ի տարբերություն ԱԱԾ տնօրենի ժամանակավոր պաշտոնակատարի, Արթուր Վանեցյանն ունի քաղաքական հեռանկար։

«ԱԱԾ պետը չի կարող հակառակ ոչինչ անել։ Ինչ է նշանակում՝ մենք կմաքրվենք դավաճաններից։ Դավաճան բառը, հատկապես ուսադիր կրող մարդկանց համար, ավելի ծանրակշիռ նշանակություն ունեցող բառ է, ավելի ոչ պատվաբեր բառ է, քան քաղաքացիական անձանց համար»,- ասաց Սամսոնյանը՝ հավելելով, որ, եթե ԱԱԾ ժպ-ն նման բան է ասել ու նա իսկապես համարում է, որ ներսում ունեն դավաճաններ, ուրեմն ԱԱԾ-ն պետք է անհապաղ լուծարել։

Սամսոնյանի խոսքով՝ ԱԱԾ-ն այն կառույցն է, որտեղ դավաճանների լինելը պետք է բացառվի։

«Ինչուչէ մինչև հիմա Նիկոլ Փաշինյանը նշանակում ԱԱԾ պետ և Ոստիկանության պետ։ Այս անհասկանալի իրավիճակում են գտնվում։ Օրինակ՝ մի մարդ, ով իրեն համեմատում է Հիսուսի հետ, այդ մարդու ասածը, եթե ասես, որ այդպես չէ, կհայտնվես այն տեղում, որտեղ հայտնվել են շատերը»,- նշեց Սամսոնյանը՝ հավելելով, որ Փաշինյանն ունի անզիջում «ես»-ի մասին պատկերացումներ ։

«Երբ որ ասում է՝ ԱԱԾ-ում կան դավաճաններ, պետք է գտնեն դավաճաններին, երբ ասում է՝ բռնեք սատանաներին, ԱԱԾ-ն պետք է ասի՝ այո, փնտրում ենք սատանաների»,- ասաց Սամսոնյանը՝ նշելով, որ վերջիններս ստիպված լինելով հանցագործություններ են գործում։ Սամսոնյանի խոսքով՝ նույն իրավիճակում է նաև ՀՔԾ-ն։

«ՀՔԾ քննիչներին որևէ մեկը չի խնդրում սարքել գործեր։ Եթե ՀՔԾ քննիչներից մեկը դուրս գա զուտ նրա համար, որ իրեն Սասունը կանչել և ասել է՝ գործ պետք է սարքես Պողոս Պողոսյանի նկատմամբ և հրապարակի, թե ինչու է դուրս եկել աշխատանքից, նույն կերպ վարվեն երկրորդ, երրորդ քննիչները, ապա չորրորդ քննիչին ոչ ոք չի ստիպի դա անել»,- ասաց Սամսոնյանը։

Աղբյուր` Փաստինֆո