Փաստ ինֆո

Ակնհայտ է, որ իշխանությունները փորձում են «Մարտի 1»-ի գործն օգտագործել իրենց փիարի համար եւ ընթացքում նաեւ հաշվեհարդար տեսնել իրենց նախկին քաղաքական հակառակորդների հետ։ «Փաստինֆո»-ի եթերում ասել է վերլուծաբան Արգիշտի Կիվիրյանը։ Ի հիմնավորումն իր կարծիքի՝ նա փաստել է, որ Ռոբերտ Քոչարյանին եւ մյուսներին մեղադրանք չի առաջադրվել մահվան դեպքերի կապակցությամբ։ Եւ ընդհանրապես՝ որեւէ մեկին մեղադրանք չի առաջադրվել սպանությունների համար, միայն ներքին զորքերի նախկին պաշտոնյաներից մեկին, որի խափանման միջոցը հետագայում փոխվեց եւ իշխանություններն ամեն ինչ արեցին, որ այս գործով որեւէ տեղեկատվություն հայտնի չդառնա հանրությանը։

Վերլուծաբանի կարծիքով՝ «Մարտի 1»-ի գործի բացահայտում կարելի է ակնկալել միայն այն դեպքում, երբ իշխանության կգան չեզոք անձինք։ «Նիկոլ Փաշինյանն 2008 թվականի մարտի 1-ին եղել է այն կողմում եւ ակնհայտ է, որ նա ունի անձնական շահագրգռվածություն՝ ներկայացնելու մարտի 1-ը այլ կերպ, նախկին իշխանություններն էլ ունեին իրենց շահագրգռվածությունը ուրիշ կերպ ներկայացնելու։ Եթե հասարակությունն ուզում է ստանա պատասխանը, ապա իշխանության պետք է գան չեզոք անձինք, որոնք բացարձակ որեւէ առնչություն չեն ունեցել եւ որեւէ շահագրգռվածություն չեն ունենա արդարադատությունը փոխարինել հաշվեհարդարով, կթողնեն նախաքննական մարմիններին գործը քննել այնպես, ինչպես կա։ Իշխանությունն իր վրա չպետք է վերցնի նախաքննական մարմնի ֆունկցիա»,- ասել է Ա.Կիվիրյանը։

Մանրամասները` տեսանյութում:

Աղբյուր` Փաստինֆո