Փաստ ինֆո

Ստուգումը հայտնաբերել է Bek Air ավիաընկերությունում բազմաթիվ կեղծիքներ եւ անվտանգության խախտումներ. ընկերության ինքնաթիռն ընկել է Ղազախստանում 2019 թվականի դեկտեմբերի վերջին: Այս մասին հայտնում է EADaily-ն՝ հղում անելով Հանրապետության քաղաքացիական ավիացիայի կոմիտեի հաշվետվությանը։

Մասնավորապես, ղեկավարությունը կեղծել է օդաչուների որակավորման հավաստագրերը։ Այսպես, երկու օդաչու ձախողել են քննությունը, սակայն ունեցել են թռիչքների թույլտվություն, մյուսներն ընդհանրապես չեն անցել պահանջվող վերապատրաստումը։  Նմանատիպ խախտումներ թույլ են տրվել այն ինժեներների նկատմամբ, որոնք սպասարկում էին ինքնաթիռները, նրանք բոլորը չէ, որ իրավունք ունեին նման աշխատանքներ իրականացնել ։

Bek Air-ը կեղծել է նաեւ այլ փաստաթղթեր, այդ թվում՝ օդանավերի տեխսպասարկման վերաբերյալ: Այն Rolls Royce ավիաշարժիչ արտադրող ընկերության հետ աջակցության պայմանագիր չի ունեցել, շարժիչները պատշաճ կերպով չեն մշակվել եւ չեն ստուգվել հուսալիության տեսանկյունից:

Բացի այդ, Bek Air-ը թաքցրել է դեկտեմբերի 25-ին տեղի ունեցած լուրջ ավիավթարի մասին տեղեկատվությունը, այսինքն՝ Ալմա Աթայում վթաքրից երկու օր առաջ: Օդաչուն արդեն օդում նկատել է, որ հիդրոհամակարգը ճեղքված է եւ ամբողջությամբ անսարքացած է, ինչը համարվում է կրիտիկական իրավիճակ: Այնուամենայնիվ, օդաչուն օգտագործել է պահեստային համակարգը, իսկ վայրէջքից հետո հայտնել է անսարքության մասին կեղծ տեղեկատվություն:

Հունվարի վերջին հայտնի է դարձել, որ Bek Air-ի աշխատակիցները օդանավերի վնասվածքները սոսնձել են սովորական կպչուն ժապավենով (skotch), ընդ որում՝ ինքնաթիռների ամբողջ կազմը վերանորոգման ենթակա է եղել եւ օգտագործման համար ոչ պիտանի: Խախտումները չեն արձանագրվել։

Դեկտեմբերի 27-ին Ալմաթիի օդանավակայանից մեկնելուց անմիջապես հետո Bek Air ինքնաթիռն ընկել է. զոհվել է 12 մարդ, տուժել 49-ը: Վթարի հիմնական պատճառ են անվանել մեքենայի սառցակալումը։  Դրանից անմիջապես հետո Ղազախստանում արգելել են Fokker-100 ինքնաթիռների բոլոր թռիչքները, որոնցից բաղկացած է Bek Air -ը, իսկ բուն փոխադրողի մոտ դադարեցրել են արտոնագրի վավերությունը:

Աղբյուր` Փաստինֆո