Փաստ ինֆո

Մանհեթենի դատարանում ատենակալների ժյուրին ամերիկացի պրոդյուսեր Հարվի Վայնշտեյնին մեղավոր է ճանաչել՝ հինգ կետից բաղկացած սեռական բռնության մեղադրանքի երկու կետով, գրում է The New York Times-ը:

Նրան մեղավոր են ճանաչել բռնաբարության եւ սեքսի միտման մեջ։ Դատավճռին սպասելու ընթացքում Վայնշտեյնը կլինի բանտում։

Մանհեթենում Վայնշտեյնին մեղադրել են բռնաբարության երկու դրվագի, սեռական ոտնձգությունների երկու դեպքի եւ բռնի օրալ սեքսի մեջ: Երեք կետ վերաբերում էր Ջեսիկա Մաննի կողմից մեղադրանքներին, եւս երկուսը՝ Միրիամ Հալեյից ։  Պրոդյուսերն ինքը չի ընդունել մեղքը՝ ասելով, որ ամեն ինչ տեղի է ունեցել փոխադարձ համաձայնությամբ ։  Նրան սպառնում էր պատիժ՝ ընդհուպ մինչեւ ցմահ ազատազրկում։

Եվս չորս կին դատարանում պատմել է սեռական ոտնձգությունների եւ բռնաբարությունների մասին, սակայն մեղադրանքներ չեն ներկայացվել՝ վաղեմության ժամկետի լրանալու պատճառով կամ այն պատճառով, որ իրադարձությունները տեղի են ունեցել այլ նահանգներում: Այդ տուժողների ցուցմունքները դատարանը կցել է գործի նյութերին։

Երկրորդ գործը Վայնշտեյնի դեմ հարուցվել է Լոս Անջելեսում, Կալիֆորնիա նահանգում։ Տուժածների թվում են Լորեն Յանգը եւ եւս մեկ կին: Դատական գործընթացը կսկսվի՝  Նյու Յորքում դատն ավարտվելուց հետո։

Պրոդյուսերի հասցեին մեղադրանքներն առաջին անգամ հնչել են 2017 թվականի վերջին The New York Times-ի էջերում: Պարբերականը գրել է բազմաթիվ երիտասարդ դերասանուհիների ու ենթակաների մասին, որոնք տուժել են վերջին 30 տարվա ընթացքում ։  Ավելի ուշ իրենց պատմությունները պատմել են ավելի քան 80 կին, այդ թվում՝ Անջելինա Ջոլին, Գվինեթ Փելթրոուն, Սալմա Հայեկը:

Աղբյուր` Փաստինֆո