Փաստ ինֆո

Սա մեծ կորուստ է մեր հայ ազգի համար, մեր մշակույթի համար։ Երվանդ Մանարյանը վառ անհատականություն էր և այն բացառիկ արվեստագետներից էր, որն ուներ նաև իր քաղաքացիական դիրքորոշումը։ Այս մասին այսօր Մանարյանի հոգեհանգստի ժամանակ, լրագրողների հետ զրույցում ասաց դերասան Տիգրան Ներսիսյանը։

Նա նշեց, որ Մանարյանը մեծ դեր է կատարել հայկական արվեստում և համոզված է, որ նրա հիշատակը վառ կմնա հայ ժողովրդի սրտում։

«Ես կառանձնացնեի Մանարյանի մարդկային տեսակը, բոլորին հասնելու, բոլորին հասկանալու ունակությունը։ Նա մարդկային մի տեսակ էր, որն այսօր շատ քիչ է, դրա կարիքն ունենք։ Մենք խոսքերով ենք ասում, որ պետք է լինի բարություն, հոգատարություն, ինքն այդ ամեն ինչն անում էր, ինքն այդպես էր ապրում»,-ասաց Ներսիսյանը։

Դերասանի խոսքով, իր համար մխիթարականը միայն այն է, որ Մանարյանն ապրեց բովանդակալից, մեծ, երկար ու հրաշալի կյանք։

«Ամեն ինչ ուներ իր կյանքում, ուներ հարազատներ, որոնք իրեն սիրում էին անչափ, գուրգուրում էին իրեն, դա շատ կարևոր է մարդու կյանքում։ Մանարյանն ուներ այն սերը, որը վայելում էր իր ժողովրդի կողմից։ Սրանից երջանիկ բան չի կարող լինել։ Ինքը հեռացավ այս կյանքից, երջանիկ և վառ հիշատակ իրեն»,-ասաց Տիգրան Ներսիսյանը։

Աղբյուր` Փաստինֆո