Փաստ ինֆո

Life-ը շփվել է բժիշկների եւ համաճարակաբանների հետ եւ պարզել, թե որոնք են վարակի վտանգավոր նշանները:

Մեզանից շատերը կարծում են, որ ՄԻԱՎ-ի խնդրի հետ երբեք չի բախվի, չէ որ նույնիսկ ազատ հարաբերություններում նորմալ մեծահասակները հետեւում են իրենց առողջությանը եւ չեն վարում ապասոցիալական ապրելակերպ: Սակայն բժիշկները ահազանգում են. ՄԻԱՎ-ի թեստի դրական արդյունքը նորմա է դառնում գրեթե յուրաքանչյուր երկրորդ վարակվածի համար։

Չնայած այն բանին, որ հաճախ վաղ փուլում հիվանդությունը տեղի է ունենում ասիմպտոմատիկ, որոշ «տագնապային զանգեր» կարող են նշան լինել առ այն, որ դուք վարակվել եք:

«Երկար ժամանակ վարակը կարող է ընդհանրապես չդրսևորվել։ Եվ մարդը կարող է հասկանալ, որ վարակված է՝ միայն այն դեպքում, եթե ՄԻԱՎ-ի թեստ անցնի», - նշել է Մոսկվայի ՁԻԱՀ-ի դեմ պայքարի տարածաշրջանային կենտրոնի համաճարակաբանության եւ կանխարգելման բաժնի վարիչ Եվգենիա Ժուկովան: - Սակայն որոշ նշաններ կարող են հստակեցնել իրավիճակը։

ՄԻԱՎ-ի կանխարգելման բժիշկ-համաճարակաբան Վյաչեսլավ Տրոցակի խոսքերով՝ տղամարդկանց եւ կանանց մոտ ՄԻԱՎ-ով վարակվելու առաջին նշանները կարող են ի հայտ գալ՝ վիրուսի կրիչի հետ շփվելուց Միայն մեկ-երկու ամիս հետո: Երբեմն հիվանդությունը տարիներով ընդանում է ասիմպտոմատիկ:

Քրոնիկ մրսածություն, հարբուխ կամ անգինա

Հիվանդին կարող են անհանգստացնել ախտանիշները, որոնք սովորաբար դրսեւորվում է գրիպի եւ անգինայի ժամանակ: Նշագեղձերը այտուցվում են, ծածկվում սպիտակավուն փառով: Եթե մարդը քրոնիկ տոնզիլիտ ունի, ապա նրա մոտ կարող է սրացում լինել: Ըստ վիճակագրության, մոտ կեսը տղամարդկանցից եւ կանանցից «գրիպանման» ախտանշաններ են զգում ՄԻԱՎ վարակի ժամանակ:

«ՄԻԱՎ-ի խորամանկությունը կայանում է նրանում, որ առաջին նշանները շատ սովորական մրսածություն են հիշեցնում եւ նույնքան արագ են անցնում», — նշել է ՁԻԱՀ-ի դեմ պայքարի «Քայլեր» հիմնադրամի ծրագրերի ղեկավար Կիրիլ Բարսկին:

Երկար տևող բարձր ջերմաստիճան

Կարող է նկատվել ջերմաստիճանի երկարատև բարձրացում 37,1-ից 38 °C: Սա օրգանիզմի ռեակցիան է վիրուսի ներխուժմանը: Եթե ջերմաստիճանը նկատվում լեյկոցիտների ցածր մակարդակի ֆոնի վրա՝ դա վատ նշան է:

 Առանց պատճառի քրոնիկ հոգնածություն

Այն դրսեւորվում է, երբ հանգիստը չի օգնում վերականգնվել: Կարող են նկատվել քնի խանգարումներ, ուշադրության կենտրոնացումը նվազում է, հնարավոր են հիշողության խանգարումներ: Քրոնիկ հոգնածության դեպքում կարող է նկատվել նաև տրամադրության փոփոխություն՝ ապատիայից մինչև ագրեսիա:

Մկանների եւ հոդերի ցավ

Հոդերում ցավը, նկատվում է ՄԻԱՎ-ով հիվանդ մարդկանց 45% - ի մոտ: Վարակվածների մեկ երրորդի մոտ կարող է նկատվել մկանային ցավ ։ Վաղ փուլում դա պատճառում է անհարմարավետություն, իսկ հիվանդության ուշ փուլում (եթե միջոցներ չեն ձեռնարկվում) ցանկացած շարժում առաջացնում է անտանելի ցավ:

Աղբյուր` Փաստինֆո