Փաստ ինֆո

Վարչապետ Նիկոլ Փաշինյանը ֆեյսբուքյան լայվով անդրադարձել է բալային համակարգին՝ փորձելով մեղմել առկա դժգոհությունները եւ, ըստ էության, կանխել վարորդների շրջանում հասունացող բողոքի ալիքը։

Նա հայտարարել է, որ բալային համակարգով վարորդական իրավունքից առաջին զրկումները կլինեն մարտի վերջին կամ ապրիլի սկզբին։ «Երբ դրանք արձանագրվեն, մենք խորը վերլուծություն կանենք հասկանալու համար` որքանով է համակարգն արդարացի, կմտածենք այդ համակարգի կատարելագործման ուղղությամբ»,– հայտարարել է նա՝ հուսալով, որ բալային համակարգը վարորդներին ավելի օրինապահ կդարձնի։

Փաշինյանը վիճակագրություն է ներկայացրել, ներկայացրել, հայտարարել, որ  այսօրվա դրությամբ 311 վարորդ զրկվել է վարորդական իրավունքից, բայց դրանցից որեւէ դեպքում բալային համակարգը չի կիրառվել։ Ըստ Փաշինյանի վարորդական իրավունքից զրկվել են միայն կոպտագույն խախտումներ թույլ տված վարորդները։

«Նա ասել է, որ 27 հոգի վարորդական իրավունքից զրկվել են մեքենան առանց պետհամարանիշի վարելու համար, 16–ը` կրկնակի ոչ սթափ վարելու համար, 6–ը հրաժարվել են սթափության ստուգում անցնել, 180 հոգու դեպքում խմածությունը 0.5 միլիգրամից շատ է եղել, և 2 հոգի էլ վարորդական իրավունքից զրկվել են չենթարկվելու և փախուստի համար, 3-ը` հատուկ ձայնային ազդանշան` փարոսիկ տեղադրելու համար։

«Էս մի քանիսը, կներեք արտահայտության համար, օլիգարխիական զամաշկեք են»,– հայտարարել է երկրի վարչապետը։

Փաշինյանը արդարացի է համարել պատիժը՝ նշելով, որ սրանք հանրային անվտանգությունը հարվածի տակ դրված գործողություններ են։ Վարչապետը նաեւ ասել է, որ այս տարվա փետրվարի 18-ի դրությամբ ավտովթարների զոհ դարձածների թիվը 2-ով պակաս է, քան նախորդ տարի, մինչդեռ նախորդ տարի մեքենաների թիվն ավելացել է 150 հազարով։

Ուշագրավ է, որ ՀՀ վարչապետը, որ Սահմանադրության համաձայն, պատերազմի ժամանակ նաեւ գերագույն հրամանատարն է, տեւական ժամանակ լուռ էր եւ քաղաքացու հետ չէր «զրուցում » բանակում ոչ մարտական կորուստների խնդրի շուրջ, այն դեպքում, երբ տարեսկզբից շարունակվում էր բանակում խաղաղ պայմաններում զինծառայողների ՝ մահվան ելքով միջադեպերի միտումը։ Զոհված զինծառայողների թիվը 13-ի է հասել։

Նիկոլ Փաշինյանը նախընտրեց հույժ կարեւոր խնդրի անդրադառնալ միայն հունվարի 17-ին ։ Մասնագետների ու սոցցանցերում հանրային լայն զանգվածների ահազանգերից հետո միայն Փաշինյանը այս խնդրի շուրջ պատասխանատուների մասնակցությամբ խորհրդակցություն հրավիրեց։

Աղբյուր` Փաստինֆո