Փաստ ինֆո

Ընտրական օրենսգիրքն արգելում է թեկնածուին, կուսակցությանը, կուսակցությունների դաշինքին կողմ կամ դեմ քվեարկելուն ուղղված ուղղակի կամ անուղղակի կոչերը, պաշտոնեական լիազորություններն իրականացնելիս կամ պաշտոնեական դիրքի ցանկացած չարաշահումը՝ ընտրությունների ժամանակ առավելություն ստանալու համար։ Գրագիտության խնդիր կա, որ վարչապետը հայտարարում է մասնակցելու է քարոզչությանը։ Այս մասին այսօր հրավիրված ասուլիսում ասաց ՀՀ առաջին ՄԻՊ Լարիսա Ալավերդյանը։

Նա հռետորական հարց ուղղեց, թե ինչպես պետք է անել, որպեսզի նոր իշխանություններն ընթերցանությամբ զբաղվեն, օրենքները կարդան. «Դա աղավաղում է Հայաստանի պատկերը, կարծես թե Հայաստանի համար միեւնույն է, թե ինչ օրենք ու Սահմանադրություն է ընդունված»։
Ալավերդյանի խոսքով, հստակ չափանիշ կա՝ իշխանությունը պետք է ենթարկվի օրենքների ու չափանիշներին, դա է լեգիտիմ, եթե դա լեգիտիմ չէ, ապա դա հիտլերյան ճանապարհն է։

«Երբ Վահագն Հովակիմյանին ասել են, ինչ եք անում, որտեղ կա այդպիսի նախադեպ, նա ասել է՝ Ուկրաինա և Մոլդովա ։ Ձեզ համար պա՞րզ է ինչ ճանապարհով են մեզ ուզում տանել։ Ինքը երևի պարզամիտ է ու ասել է այն, ինչ պետք է չասեր, բայց դա իրենց թրեյնիգների արդյունքն է։ Մենք պետք է մերժենք այդ զարգացման ճանապարհը»,-ասաց բանախոսը։

Նա ընդգծեց, որ այս հանրաքվեն իրավական պետություն կայացնելու ճանապարհից ոչ թե շեղվելն է, այլ տապալվելն է. «Մենք ոչ թե հետ ենք գնում, մենք մակարդակ ենք կորցնում»։

Աղբյուր` Փաստինֆո