Փաստ ինֆո

Մահվան բոլոր դեպքերով ծառայողական քննություններ անցկացվում են և մենք ունենք կարգապահական կանոնադրությամբ օժտված բոլոր իրավունքներով սպայական կազմի և՛ պաշտոնից հեռացումներ, և՛ զորացրումներ, նաև ունենք խրախուսումներ ինքնասպանությունը կանխելու համար։ Այս մասին այսօր ԱԺ-ում ասաց ՀՀ ԶՈՒ Գլխավոր շտաբի պետ Արտակ Դավթյանը։

Անդրադառնալով բանակում քրեական ենթամշակույթի հարցին՝ նա ասաց, որ դա պետք է պարզվի քրեական գործի շրջանակներում. «Ընդհանուր, մեծ, գլոբալ այն ինչ-որ պատկերացնում ենք, էլեմենտներ իհարկե բանակում կան, ինչպես հասարակության մեջ։ Չի կարող հասարակությունում լինել, բանակում չլինել ինչ-որ երևույթներ։ Իհարկե կան, և դրա վերաբերյալ այսօր բավականին շատ հարցեր, պարզաբանումներ եղան։ Բավականին մեծ աշխատանք ունենք»։

Դիտարկմանը, թե բանակում տեղի ունեցողի հարցում սլաքները հիմնականում դեպի ռազմական ոստիկանության պետն են ուղղվում՝ նա մատնանշվում որպես մեղավոր՝ Դավթյանը պատասխանեց. «Ռազմական ոստիկանությունը չի ենթարկվում գլխավոր շտաբի պետին և գնահատական ես չեմ տալու ռազմական ոստիկանության աշխատանքների հետ կապված»։

Խոսելով բանակում արտոնյալների մասին, ՀՀ ԶՈՒ Գլխավոր շտաբի պետն ասաց, որ այդ ուղղությամբ աշխատանքներ տարվում են։

Աղբյուր` Փաստինֆո