Փաստ ինֆո

Այն փաստարկենրը, որ հնչեցին մեր կեղմից գոնե լավագույններից չէին։ Ես ելնում եմ այն կանխավարկածից, որ Նիկոլ Փաշինյանը ուզում էր հակառակորդին «տապալել», բայց այն փաստարկները, ինչ ձևով, որ բերվեցին, դրանք թույլ էին։ Այս մասին այսօր հրավիրված ասուլիսում ասաց «Քաղաքական հետազոտությունների ակադեմիա» ՀԿ-ի ղեկավար Ալեքսանդր Մանասյանը՝ անդրադառնալով Մյունխենյան քննարկմանը։

Նա նշեց՝ ողջունելի է, որ վերջապես բարձրացվեց այսպես կոչված Խոջալուի հարցը. «Տարիներ շարունակ մեր հայ մասնագետները պատրաստել են թղթապանակներ, որ դա արել է Մութալիբովը։ Լավ է, որ դրան հնչեղություն տրվեց, բայց ես ավելի քան հավատացած եմ, որ դա կորչելու է տեղեկատվական հոսքերում»։

«Քաղաքական հետազոտությունների ակադեմիա» ՀԿ-ի ղեկավարն ասաց, որ շեշտադրումները տարվում են դեպի անվտանգության վերաբերյալ հարցերը, սակայն չեն նշվում տարածքների վերաբերյալ այն փաստարկները, որ կան։

«Ադրբեջանցիները փախստական չունեն, նրանք խոսում են իրենց փախստականների վերադարձի մասին, բայց ես կարող եմ ասել, որ ադրբեջանցի փորձագետն ընդունել է, որ իրենք փախստական չունեն։ Փախստականը մի երկրից մյուսն անցնողն է, եթե դուք շուշեցուն փախստական եք համարում,ուրեմն ԼՂՀ-ն որպես անկախ պետություն եք ճանաչում»,-ասաց Մանասյանը։

Աղբյուր` Փաստինֆո