Փաստ ինֆո

Իշխանության նկատմամբ լրատվամիջոցը, որը ոչ իրեն հաճո տեղեկություն է հրապարակում, միշտ էլ աչքի փուշն է։ Այս մասին «Մամուլի հետհեղափոխական մարտահրավերները. ասելիքներն ու անելիքները» թեմայով քննարկմանն ասաց «Երկիր Մեդիա» ՀԸ լրատվական և հասարակական-քաղաքական հաղորդումների տնօրեն Գեղամ Մանուկյանը։

Նրա խոսքով՝ այդ լրատվամիջոցների դեմ պայքարի ձևերն են փոխվել և հարաբերությունները մնացել են նույնը։

Մանուկյանն ընդգծեց, որ հայկական հեռուստաեթերը հիմնականում ապաքաղաքականացված է, ապահասարակականացված է, ապամշակութայինացված է։

«Շառից փորձանիքց հեռու մտածելակերպով եթերի առյուծի բաժինը մեր երկրի հասարակական-քաղաքական հարաբերությունների հետ կապ չունի»,- ասաց Մանուկյանը։

Ըստ Մանուկյանի՝ ամենամեծ փոփոխությունն այն է, որ լուր արտադրողն է փոխվել երկրում։

«Լրագրողը չէ, որ լուր է արտադրում, լրատվամիջոցը չէ, որ լուր է արտադրում։ Մենք պարզապես սպառողներ ենք։ Սպառողներն ենք այն վիրտուալ ուղիղ եթեր իրականության, որը հրամցնում է մեզ երկրի վարչապետը, տարբեր պաշտոնյաներ, երկրի կառավարությունը»,- նշեց Մանուկյանը՝ հավելելով, որ լրատվամիջոցները դարձել են միջնորդ օղակ, ընդ որում՝ հասարակությունը տեղեկատվությունը սպառում է առաջին ձեռքից, այսինքն՝ վարչապետի, այս կամ այն պաշտոնյայի ֆեյսբուքյան էջից։

Մանուկյանը կարևորեց, որ վերջին երկու տարում ոտնահարվում է «Տեղեկատվության մասին» օրենքը, ․պաշտոնական այցերի, հանդիպումների մասին պաշտոնական հաղորդագրություններ չեն տարածվում։

«Մեզ կուլ են տալիս. մեր երկրում ուղեղ ունեցող  մարդու փոխարեն ստեղծվում է արհեստական, համակարգչային մարդ, որը շատ հաճախ կառավարվում է իշխանության կողմիցղ,- հայտարարեց Գ.Մանուկյանը։

Աղբյուր` Փաստինֆո