Փաստ ինֆո

Իրականում քվեարկության է դրված հետևյալ հարցը՝ հարգելի հպարտ կամ նորմալ քաղաքացիներ, արդյո՞ք դուք համաձայն եք, որ ձեր անձնական ես-ը և մի ամբողջ պետություն դրվի մի մարդու քմահաճույքի տակ։ Այս մասին «Սահմանադրական անվտանգություն. Մարտահրավերներ և լուծումներ» խորագրով քննարկմանն ասել «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը։

Դառնալով հոգեբանական շերտին՝ Թևանյանն ասաց. «Փաշինյանի մոտ խնդիր կա` նա հայտարարում էր, որ Հայաստանում չկա դատավոր, որ իրեն կարող է ասել չէ, պարզվեց, որ կան այդպիսի դատավորներ և մասնավորապես՝ կան նաև ՍԴ-ում և իր ամենակարողության միֆն է պայթում ՍԴ պատերին հանդիպելիս և իր համար շատ կարևոր է հոգեբանական իմաստով գրոհել և գրավել ՍԴ-ն, որպեսզի ցույց տա, որ ինքն ուժեղ է և կարող է ցանկացած որոշում պարտադրել»։

Բացի այդ՝ Թևանյանը նշեց, որ գործ ունենք իրավական խնդրի հետ և ակնհայտորեն նկատում է մեկ անձի կամ մի քանի անձանց կողմից իշխանության յուրացման փորձ, սահմանադրական կարգի տապալման փորձ։

«Ճակատագրի հեգնանքն այն է, որ հենց այս իշխանությունն է ներկայացրել մեղադրանք իր հետնորդներին՝ սահմանադրական կարգի տապալման առումով, բայց սա ակնհայտ պրոցես է»,- ասաց Թևանյանը՝ նշելով, որ դատարանների շրջափակումը, ՍԴ վրա հարձակման դեպքում գործ ունենք սահմանադրական կարգի տապալման և իշխանության յուրացման հետ։

Թևանյանը նկատեց, որ խնդիր է դրվում մեկ անձի շուրջ բռնապետական ռեժիմ հաստատելը և իշխանության տարանջատման սկզբունքը ի սպառ վերացնելու։

«Օրենսդիրը գրավված է, գործադիր իշխանությունը գրավված է և հիմա խնդիր է դրվել ամբողջությամբ դատական համակարգը ենթարկեցնելու, այլև՝ մահմեդական, ասիական, աֆրիկյան երկրներին հարիր քաղաքական համակարգ ձևավորելու»,- ասաց Թևանյանը։

Նրա խոսքով՝ իշխանությունը խնդիր է դրել սեփականությունը վերաբաշխել և ՍԴ-ն կարող է խանգարել, բացի այդ, այն միջազգային պարտավորությունները, որոնք կարող են ազդել այս իշխանությունների վարքագծի վրա, նույնպես ստիպում է, որ բուդկայի պես սեփականաշնորհել ՍԴ-ն։

Աղբյուր` Փաստինֆո