Փաստ ինֆո

Բովանդակային քննարկում էինք անում, իսկ Համազասպ Դանիելյանը փորձեց ինձ դաստիարակչական խրատներ տալ։ Այս մասին լրագրողների հետ զրույցում ասաց «Լուսավոր Հայաստան» խմբակցության պատգամավոր Անի Սամսոնյանը։

Նշենք, որ խորհրդարանում նվիրատվությունների ու նվիրաբերությունների գործընթացը կարգավորող օրինագծի քննարկման ժամանակ ընդահրում տեղի ունեցավ Անի Սամսոնյանի և «Իմ քայլը» խմբակցության պատգամավոր Համազասպ Դանիելյանի միջև։ Նրանց բանավեճը շարունակվեց նաև նիստերի դահլիճից դուրս՝ միջանցքում։

Անի Սասմոնյանն այնուհետև լրագրողների հետ զրույցում ասաց, որ կան միջանձնային հարաբերություններ, որոնք հանրային արժեք չեն ունենա և դրանց մասին պարզաբանում չեմ տա. «Ուզում եմ իմ գործընկերներին կոչ անել, որ բարեկրթության, դաստիարակչական խրատներ տալուց առաջ պետք է հիշել սեփական գործողությունները և սեփական ասելիքը։ Չեմ կարող որևէ մեկին խորհուրդ տալ, եթե ես այդ խորհուրդներին չեմ հետևում։ Եթե մեր գործընկերներն ամբիոնից պետք է խոսքեր հնչեցնեն և դրանց ի պատասխան մեզանից պահանջեն, որ պետք է լինենք բացառապես մեղմ, լուսավոր, թույլ տանք, որ մեզ վիրավորեն, ապա դա ճիշտ չէ»,-նշեց Անի Սամսոնյանը՝ ընդգծելով, որ մոնիտորինգ անելու դեպքում կհասկանանք՝ ով է թեման բացում և քաղաքական խոսույթն իջեցնում ամենացածր մակարդակի։

Աղբյուր` Փաստինֆո