Փաստ ինֆո

Վիճակագրական կոմիտեն դեռևս չի հրապարակել անցած տարվա տնտեսական աճի ցուցանիշը։ Բայց դա չի խանգարում, որպեսզի Նիկոլ Փաշինյանը պարբերաբար նոր թվեր հայտարարի 2019թ. տնտեսական աճի սպասումների վերաբերյալ. քանի կար կանխատեսվում էր 7,5 տոկոս տնտեսական աճ, հետո այն դարձավ 8 տոկոս, հիմա էլ խոսվում է 8,2 տոկոսի մասին։ 

-Անկախ փորձագետների կարծիքով, 2019 թվականի տնտեսական աճը կկազմի 8,2 տոկոս,-ասում է Նիկոլ Փաշինյանը։

Ճիշտ է, այս անգամ վարչապետը տնտեսական աճի կանխատեսումների պատասխանատվությունը դրել է «անկախ փորձագետների» վրա, բայց հասկանալի է, որ ոչ մի «անկախ փորձագետ» էլ չկա։

Հայտարարվող 8,2 տոկոսը, ըստ էության այն նշաձողն է, ինչը ուղենիշ է լինելու վիճակագրական կոմիտեի համար։ Ու հիմա այն ամեն ինչ անելու է՝ կառավարության ղեկավարի սպասումները արդարացնելու համար։

Հիշեցնենք, որ անցած տարի Հայաստանում արձանագրվել է 7,8 տոկոս տնտեսական ակտիվություն։ Այդ պայմաններում վարչապետը խոսում է 8,2 տոկոս տնտեսական աճի մասին։ Այնինչ, սովորաբար տնտեսական ակտիվության ցուցանիշը ավելի բարձր է լինում, քան տնտեսական աճը։ Բայց որքան էլ զարմանալի է, այս անգամ սպասումները հակառակն են։

Նշենք, 2017թ. 7,7 տոկոս տնտեսական ակտիվության պայմանում արձանագրվեց 7,5 տոկոս տնտեսական աճ։ 2018թ. գրանցվեց 5,8 տոկոս տնտեսական ակտիվություն, իսկ տնտեսական աճը կազմեց 5,2 տոկոս։

Ակնհայտ է, որ երկու դեպքում էր տնտեսական ակտիվության ցուցանիշն ավելի բարձր է, քան տնտեսական աճինը։
Թե ինչո՞ւ պիտի 2019թ. 7,8 տոկոս տնտեսական ակտիվության պայմաններում լինի 8 կամ 8,2 տոկոս տնտեսական աճ, մնում է միայն գուշակել։

Աղբյուր` Փաստինֆո