Փաստ ինֆո

Ես ունեմ հարցեր, որոնց պատասխաններն,ըստ էության, չստացա։ Այս մասին ֆեյսբուքյան իր էջում գրել է ԱԺ «Բարգավաճ Հայաստան» խմբակցության քարտուղար Արման Աբովյանը՝ անդրադառնալով ԱԺ արտահերթ նիստի օրակարգում ընդգրկված օրենսդրական և սահմանադրական փոփոխություններին։

«1-Իշխանությունն ուներ բավական ժամանակ, որ հանգիստ, առանց անիմաստ վազվզելու վերլուծեր այս տարբերակները, դներ հանրային քննարկման, գոնե դարձներ դիսկուրսի առարկա։ Սակայն տեղի ունեցավ հակառակը։ Ինչո՞ւ

2-Ինչո՞ւ այս փոփոխությունները չարժանացան գոնե մակերեսային վերլուծության հեղինակավոր միջազգային կազմակերպությունների կողմից (օրինակ` նույն Վենետիկի հանձնաժողովի կողմից), որ հետաքրքրված կողմերը ունենային քչից շատից ինչ-որ իրավական գնահատական։ ԵՒվ դա այն դեպքում, որ բազմաթիվ ոչ այնքան հնչողություն ունեցող օրենքների նախագծեր արժանանում են բազմաշերտ և խորացված վերլուծական գնահատականների։

3-Մի՞թե հնարավոր է 100 տոկոսով լինել համոզված, որ այս որոշումների իրագործումը չի դառնա մահակ երկրի գլխին և հաշվարկվա՞ծ են արդյոք իրավական և քաղաքական ռիսկերը ներքին և արտաքին քաղաքական դաշտում։

Մի խոսքով, հարցերը շատ են, իսկ պատասխաններ չկան։

Ես մնում եմ իմ այն համոզմունքին, որ այս կերպ և այս բովանդակությամբ ներկայացված վիճելի օրենսդրական և սահմանադրական նախաձեռնությունները հետագայում հագեցնելու են լրջագույն ինստիտուցիոնալ խնդիրների»,-գրել է Արման Աբովյանը։ 

Աղբյուր` Փաստինֆո