Փաստ ինֆո

«Ընդհանուր միջազգային հանրության կողմից արձագանքները պետք է ընդհանուր կոնտեքստի մեջ նայել, ես լուրջ խնդիրներ միջազգային կառույցների կողմից չեմ տեսնում, Հայաստանի ժողովրդավարացման գործընթացը շարունակվելու է եւ այդտեղ որևէ հարցում հետընթաց չենք ունենալու, ժողովրդավարության կառուցման մեջ առաջին հերթին շահագրգռված ենք մենք եւ մեր ժողովուրդը»,-այսօր կառավարության նիստից հետո լրագրողների հետ ճեպազրույցում հայտարարեց ՀՀ Անվտանգության խորհրդի քարտուղար Արմեն Գրիգորյանը՝ անդրադառնալով Վենետիկի հանձնաժողովի ղեկավար Ջիանի Բուքիքիոյի հայտարարության մասին հարցին եւ ԱԱԾ նախկին տնօրեն Արթուր Վանեցյանի՝ այն որպես վտանգ մատնանշելու հանգամանքին։

« Եվ ես համոզված եմ, որ բոլոր այն խնդիրները, որոնք գոյություն ունեն ժողովրդավարացման պրոցեսում, մենք առաջնահերթությունը տալու ենք ներքին քաղաքականությանն ու ներքին պահանջին, իհարկե, աշխատելով նաեւ միջազգային հանրության հետ»,- հայտարարեց նա:

Ինչ վերաբերում է ԱԱԾ նախկին տնօրեն Արթուր Վանեցյանի հայտարարությանը, թե վերադարձ անցյալին թույլ չի տալու, ԱԽ քարտուղարն հայտարարեց. «Վանեցյանը, մեծ հաշվով, անցյալի արձագանքն է»:

Անդրադառնալով Վանեցյանի, ավելի վաղ արած հայտարարությանը, թե Հայաստանում կան դրսից ֆինանսավորվող քաղաքական ուժեր, Գրիգորյանն ասաց.«Եթե նա ունի տվյալներ պետք է հրապարակի դա , հստակեցնի նաեւ եթե աշխատանքի ժամանակ է այդպիսի ինֆորմացիա ունեցել նա պետք է զեկուցած լինի»։

Աղբյուր` Փաստինֆո