Փաստ ինֆո

ՀՀ Ազգային ժողովի խորհրդի նիստը կրկին հետաձգվեց։ 

Լրագրողների հետ զրույցում ԱԺ փոխխոսնակ Ալեն Սիմոնյանն ասաց, որ օրակարգում նոր կետ է ավելանալու և խորհրդի նոր նիստ է հրավիրվելու. «Կանոնակարգ սահմանադրական օրենքի պահանջն է, որ դա արվի առանձին։ Այսինքն հնարավոր չէր այս նիստի ընթացքում ավելացնել որևիցե նոր կետ։ Նոր կետ ավելացնելու համար նոր նիստ կհրավիրվի»,-ասաց ԱԺ փոխխոսնակը։

Թե երբ կլինի խորհրդի նոր նիստը, Ալեն Սիմոնյանը տեղյակ չէ, սակայն չբացառեց՝ հնարավոր է հենց այսօր էլ տեղի ունենա։ Հարցին՝ ինչ կետ են պատրաստվում ավելացնել, ԱԺ փոխխոսնակը չպատասխանեց. «Չեմ կարող հիմա ասել՝ ինչ կետ պետք է ավելացվի։ Կավելանա, կիմանաք»,-հավելեց ԱԺ փոխխոսնակը։

Վերջինս ընդգծեց՝ օրենքը և իրավունքն ունեն տարբեր հնարավորություներ, որոնցից նրանք մշտապես օգտվել և շարունակում են օգտվել. «Մեր ընդդիմախոսներին, նկատի չունենալով այստեղ գտնվող գործընկերներին, կարող եմ ասել, որ ամեն ինչ օրենքի սահմաններում է արվելու և շատ ու շատ հետաքրքիր զարգացումներ են լինելու»,-ընդգծեց ԱԺ փոխխոսնակը։

Աղբյուր` Փաստինֆո