Փաստ ինֆո

ՀՀ վարչապետ Նիկոլ Փաշինյանը ցանկանում է ազատվել Սահմանադրական դատարանի ներկայիս կազմից ու ունենալ հլու-հնազանդ ՍԴ։ Այս մասին այսօր «Փաստինֆո»-ի եթերում ասել է «Հանրային վերահսկողության կենտրոն» հկ-ի ղեկավար Բաբկեն Հարությունյանը։

Ըստ նրա՝ իր նպատակին հասնելու ճանապարհին Փաշինյանը ոչնչի առաջ կանգ չի առնի. «Հրայր Թովմասյանի սանիկներին հարցաքննեցին, դստրերին հարցաքննեցին և այլն, այսինքն այս ռեպրեսիվ գործողությունները գալիս են ևս մեկ անգամ ապացուցելու, որ Փաշինյանը թքած ունի և՛ Սահմանադրության վրա, և՛ օրենքների վրա, և՛ միջազգային կառույցների արձագանքների վրա, որոնք մոտ ապագայում շատ ավելի ցավոտ են լինելու այս իշխանության համար»։
Հարությունյանն ընդգծեց, որ օր-օրի իշխանության վարկանիշն ընկնում է, սակայն նրանք չեն գիտակցում այդ ամենը։

«Գրիչի հրապարակումից հետո, բազմաթիվ զանգեր եմ ստացել մարդկանցից, ովքեր հավատում էին Նիկոլին, սակայն հիմա խորը հիասթափություն են ապրում ու հասկանում, որ երկրի ղեկավարն ադեկվատ չէ, ունի լուրջ խնդիրներ ու դրանք չի կարողանում հաղթահարել, այդ խնդիրները նրա ներսում են, ու, ցավոք սրտի, նրա ներսի ոչ ադեկվատ իրավիճակն ազդում է մեր պետության վրա»,-ասաց հկ ղեկավարը։

Մանրամասները՝ տեսանյութում։

Հեղինակ՝ Սոնա Գեւորգյան

Աղբյուր` Փաստինֆո