Փաստ ինֆո

Եթե հիշում եք, դեկտեմբեր ամսին՝ իմ տունը խուզարկելիս, հայտարարեցի, որ իմ տնից հանել են ՍՈՒ 35 տանկ, «BTR», «BMP», և մի քանի օր առաջ, երբ նայում էի Ոստիկանապետի ելույթը , տեսա, թե ինչպես է դանդաղ խոսում ու մտածում։ Իսկ եթե դանդաղ է խոսում ու մտածում, ապա դանդաղ էլ հասկացել է։ Այս մասին այսօր լրագրողների հետ ճեպազրույցում, ոստիկանությունից դուրս գալուց հետո ասաց ՀՖՖ նախկին նախագահ Ռուբեն Հայրապետյանը։

Նա նշեց, որ Ոստիկանապետի ԺՊ-ն «իր գրպանում» փնտրում է տանկեր, «BTR», «BMP»։

«Դե բնականաբար հասկանում եք, թե ում հանձնարարությամբ էր դա, հերթական կապիկությունն էր ընդամենը։ Նրանք փորձում են ինձ վախեցնել, բայց չեն հասկանում, որ իմ տեսակին չեն կարող։ Առհասարակ մեր տեսակն է ուրիշ և եթե նույնիսկ պառկեցնեին ասֆալտին, ամոթ չէ ոստիկանի կողմից ասֆալտին պառկելը, բայց որ ես եմ մի գեղեցիկ օր պառկեցնելու ու ոտքերս մաքրեմ իրենց վրա, դա հաստատ է»,-ասաց Հայրապետյանը։

Նա հայտնեց, որ իր մոտ ապօրինի զենք-զինամթերք չեն հայտնաբերել և որ ինքը 3 օրինական զենք ունի, կրելու թույլտվությունն էլ գրպանում է։

«3 օրինական զենք ունեցող մարդը երբեք անօրինական զենք-զինամթերք չի պահում։ 3 զենքերից 2-ը որսորդական զենքեր են, իսկ մեկն էլ իմ անձնական զենքն է՝ իմ անվտանգության համար, քանի որ ժամանակին իմ վրա մահափորձ է կատարվել ու ես իմ անվտանգության համար պահում եմ ինձ մոտ»,-ասաց ՀՖՖ նախկին նախագահը։

Նրա խոսքով, ոստիկանները ցանկացել են իր մեքենան խուզարկել, սակայն նա ասել է մինչև սանկցիա չլինի թույլ չի տա, ապա ոստիկաններն այսպես ասած բռնագրավել են մեքենան։

Մանրամասները՝ տեսանյութում։

Աղբյուր` Փաստինֆո