Փաստ ինֆո

2020 թվականի ընթացքում ամենահաջողակ կենդանակերպի նշանը Այծն է։ «Փաստինֆո»-ի հետ զրույցում այս մասին ասաց աստղաբան Աննա Հախվերդյանը՝ պատասխանելով հարցին, թե կենդանակերպի որ նշաններն են գտնվելու մկան հովանու ներքո։

«Այծի տարում ծնվածների, ինչպես նաև հուլիսի 8-ից օգոստոսի 8-ն ընկած ժամանակահատվածում ծնված մարդիկ մեծ հաջողություններ են ունենալու։ Ցանկացած ոլորտում նրանց բախտը ժպտալու է»,-նշեց աստղաբանը։

Մկան տարին հաջող կլինի նաև աքլորի, վիշապի և հենց մկան համար։ Այս տարի աստղերի բարեհաճությունը կվայելի նաև ցուլը, որտեղ գտնվում է տարվա արևը, ինչը մեծ հաջողություն է բերելու հատկապես տղամարդկանց համար։ Անձնական հաջողություններ են սպասվում նաև նապաստակին, մասնավորապես միայնակ նապաստակներին։ Չի բացառվում, որ հենց այս տարի նրանք կգտնեն իրենց երկրորդ կեսին։

2020-ին փոփոխություններ չեն սպասվում կապիկի կենդանակերպում ծնվածներին, ինչպես նաև ձիու տարում ծնվածներին. «Ձին մկան հետ լավ հարաբերությունների մեջ չէ։ Նրանք բախման մեջ են, ինչի պատճառով ձիերը կարող են ունենալ որոշակի կորուստներ թե՛ անձնական, թե՛ գործնական կյանքում։ Նրանց սպասվում են զգալի և լուրջ փոփոխություններ»,-ասաց աստղաբանը։

Ինչ վերաբերում է կենդանակերպի մյուս նշաններին՝վագրին, օձին և խոզին, ապա այս տարի կունենան միջակ հաջողություն։

Մանրամասները՝ տեսանյութում

Աղբյուր` Փաստինֆո