Փաստ ինֆո

«Քաղաքացիական գիտակցություն» հկ նախագահ Նարեկ Սամսոնյանն այս պահին Հատուկ քննչական ծառությունում է, ուր հրավիրվել է հարցաքննության որպես վկա։ Նա մինչ հարցաքննության մտնելը լրագրողների հետ զրույցում ասաց՝ կարծում է հրավիրվել է «իկռայի» գործով։

«Մոտավորապես 90 %-ով վստահ եմ, որ իկռայի գործն է։ Համենայն դեպս, ըստ էության, չի հերքվել այն տեղեկատվությունը, որը ես տվել եմ, ավելին, գործը հարուցվել է բավականին հետաքրքիր քաղաքական ենթատեքստով»,-ասաց Սամսոնյանն ու վստահեցրեց դուրս գալուց հետո կխոսի այդ ենթատեքստի մասին, քանի որ նաև միջնորդություն ունեն պատրաստած։

Նա նշեց՝ վստահ չէ, որ ինչ-որ պահից քննիչների մոտ իր կարգավիճակը փոխելու միտք չի առաջանա. «Ինչպես այստեղ եկած շատ մարդկանց դեպքում, որ եկել են ու միանգամից դարձել մեղադրյալ կամ կասկածյալի կարգավիճակ ստացել։ Չեմ բացառում այդ ամենը, օրինակ կարող եմ մեղադրվել Նիկոլ Փաշինյանին քննադատելու հոդվածով»։

Սամսոնյանը տեղեկացրեց, որ իր հետ քննիչի համար գրիչ է նվեր տանում ու պարտադիր պատրաստվում է «սելֆի» անել նրա հետ։

Դիտարկմանը, թե ՀՔԾ-ի հրավերը նախորդ անգամ մերժել էր, Սամսոնյանը պատասխանեց. «Ես հստակ ասել եմ, որ որևէ տեսակի համագործակցություն այս տեսակի մարմինների հետ ես բացառում եմ, քանի որ նրանք քաղաքական գործիք են գործող իշխանության ձեռքին»։

Հիշեցնենք, որ Սամսոնյանն օրերս իր ֆեյսբուքյան էջում գրել էր. «3000$ 1կգ սև իկռա առնող Վարչապետը

Անհամաչափ փաստերից խոսացիք չդիմացա... Ուրեմն սա մեր առաջին ձեռից, խիստ հավաստի աղբյուրի փոխանցած լուրն ա, որը էսօր չէ, որ պետք ա հրապարակեի, բայց դե Նիկոլը անհամաչափություն էր ուզում: Ուրեմն «գրիչի գնից ապշած» Վարչապետի միջնեկ աղջիկը, հոր` վարչապետ դառնալուց հետո շատ-շատ ա հավանել սև իկռան: Ու դե քանի որ մեր Վարչապետն էլ ալամ աշխարհի գերագույն գլխավոր խմբագիրն ա, երեխու խաթրը չի կարողանում կոտրել ու տենց երևանյան ռեստորաններից մեկից (ռեստորանի անունը հատուկ չեմ տալիս դեռ) հաճախակի 1 կիլոգրամը 3 հազար դոլարով մեր «սուրբ» Նիկոլը երեխու համար իկռա ա առնում: Տենց 2019-ի դեկտեմբերի սկզբին հերթական 3.000 դոլարանոց ուտելիքն են առնում ու ամսվա վերջում երեխեն էդ մի կիլոյի գլուխը կերած ա լինում:

Ախռանայի տղերքը գնում են էդ ռեստորան ու նորից նույն չափ սև իկռա են ուզում, բայց ասում են «էս անգամ փոխանցումով առնենք էլի», ռեստորանի ադմինիստրացիան ասում ա, որ փոխանցումով առնելու դեպքում 3 հազարի փոխարեն 5 հազար դոլար կլինի կիլոգրամը: Ու էս մեր «սրբության սրբոց» վարչապետն իմանում ու ջղայնանում ա և որոշում ա տվյալ ռեստորանին հարկայինով պատժել հենց տեղում:

Էս ա սրա իրական դեմքը ու հիմա ինքը վիդիծի լի ապշել ա սաֆարյանստյոպիկի օդում կրակած թվից: Էս ա «մեր ժամանակների հերոսը»: Նա մարդ ա, որի երեխեն կիլոն 3000 դոլարի սև իկռայա ուտում ամիսը 2 կիլոյի չափ ու ինքն «ապշում» ա 500 $-ից»։

Աղբյուր` Փաստինֆո