Փաստ ինֆո

Նիկոլ Փաշինյանը մինչև փետրվարի 6-ը ժամանակ է տվել սպանդանոցային մորթի դեմ պայքարող անասնապահներին։ Եթե նրանք կհամաձայնեն առաջադրված պայմաններին, ապա սպանդանոցային մորթի պարտադիր պահանջի կիրառումը կհետաձգվի մինչև հուլիսի 1-ը։ Հակառակ դեպքում՝ այն այժմվանից կհամարվի պարտադիր։ 

-Պայմանավորվում ենք, որ մինչև հուլիսի 1-ը ամենախիստ պայմաններում գործում են հանրային սննդի օբյեկտները և սուպերմարկետները, մյուս տեղերում թողնում ենք իրավիճակը այնպիսին, ինչպիսին կար այս կարգավորումից առաջ՝ պայմանով, որ հուլիսի 1-ից Հայաստանի Հանրապետությունն անցնելու է այս համակարգին, և որևէ ցույց չի լինելու:

Եթե այս պայմանը բողոքի գործողություններ իրականացնող հայրենակիցների համար ընդունելի է կամ համաձայն են, որ պայմանավորվենք սրա շուրջ, ապա փետրվարի 6-ի նիստին մենք այս հարցին անդրադառնում ենք և վերջ, իսկ եթե պարզվի ընդունելի չէ, ուրեմն պետք է ասենք, որ այսօրվանից է գործելու: Եթե ընդունելի չէ, այսօրվանից թող ընդունելի չլինի,-ասում է վարչապետը։

Իսկ ինչպե՞ս է կառավարությունը որոշելու՝ առաջադրված պայմանները ընդունելի՞ են բողոքի գործողություններ իրականացնողների համար, թե՞ ոչ։ Իսկ եթե մինչև հուլիսի 1-ը չլուծվեցին այն բոլոր խնդիրները, որոնք անհանգստացնում են անասնապահներին։ Այնպես չէ, որ պարտադիր սպանդանոցային մորթի իրականացման դեմ բողոքողների պահանջը դրա կիրառումը մի քանի ամսով հետաձգելն է։

Խնդիրը ոչ թե ժամկետների, այլ պայմանների ապահովման մեջ է։ Իսկ ո՞վ է երաշխավորում, որ այդ ժամկետում բոլոր պայմանները կապահովվեն և ինչո՞ւ է այժմվանից վարչապետը փորձում երաշխիքներ ստանալ, որ բողոքներ այլևս չեն լինելու։ Վարչապետը երաշխիքներ է ուզում, առանց երաշխիքներ տալու։

Նշենք նաև, որ այս պահին պարտադիր սպանդանոցային մորթի իրականացման պահանջը ուժի մեջ է, բայց չի գործում կամ գործում է մասամբ։

Աղբյուր` Փաստինֆո