Փաստ ինֆո

Ես վարչապետ Նիկոլ Փաշինյանին երբեք չեմ ասել,որ իջևանցու փեսա եմ: Այս մասին Սաթիկ Սեյրանյանի հեղինակային «Պրեսսինգ» հաղորդաշարի ընթացքում հայտարարել է ՍԴ նախագահ Հրայր Թովմասյանը՝ անդրադառնալով Նիկոլ Փաշինյանի հայտարարությանը:

«Ես ասել եմ Նիկոլ Փաշինյանին, երբ 2017թ.-ին խորհրդարանի ընտրություններից հետո բոլոր խմբակցությունների ղեկավարները, հանձնաժողովների նախագահներն այցելել էին Արցախ, սեղանի շուրջ, երբ հերթական անգամ Արցախի բարիքներից էինք օգտվում, եղավ խոսակցություն, որ Արցախում խոզի միսն առանց կաշին հանելու են օգտագործում: Ես ասացի, որ այդպես է նաև Իջևանում: Ինքը հարցրեց՝ իսկ դու ինչ գիտես, թե Իջևանում ոնց է, ասացի, որ իջևանցու փեսա եմ: Կան վկաներ»,- ասաց Թովմասյանը:

«Նրա կարծիքով՝ որոշ մարդիկ շփոթում են քաղաքավարության կանոնները քծնանքի հետ:
Այստեղ երևի երևույթների ընկալման տարբերություն կա՝ որտեղ է քաղաքավարությանը, որտեղ՝ քծնանքը: Եթե շնորհակալությունը դիտենք քծնանք, ուրեմն եկեք պայմանավորվենք, հիշում եմ, մի ռուսական մուլտ կա՝ «волшебное слово спасибо», թե որտեղ կարող ես ասել, դիմացդ դռներ կբացվեն, բայց քծնանքի մասին այնտեղ որևէ խոսք չկար»,- նշեց ՍԴ նախագահը:

Ինչ վերաբերում է գրիչին, ապա Թովմասյանը հորդորեց գրիչի պատմությանը վերջ տալ: Նրա խոսքով՝ գրիչը չի կարող դառնալ քաղաքական օրակարգային թեմա, ուստի՝ հորդորեց նաև քաղաքական և հասարակական գործիչներին ձեռնպահ մնալ այդ հարցի քննարկումից, որովհտև առաջին հերթին արժեզրկվում են այդ ինստիտուտները: Ըստ նրա՝ մեր երկրի առաջ դրված խնդիրներն շատ ավելի բարդ են:

Աղբյուր` Փաստինֆո