Փաստ ինֆո

«Վարչապետը չունի այն իմացությունը եւ գիտելիքը, որ գիտակցի՝ քանի դեռ գործում է Սահմանադրությունը, նախ եւ առաջ վարչապետը եւ բոլորը պետք է հարգեն այդ Սահմանադրությունը։ Վարչապետը արդեն ամիսներ շարունակ ոտնահարում է Սահմանադրության՝ իրար հետեւից մի քանի հոդվածներ»,-«Փաստինֆո»-ի հետ զրույցում նման կարծիք հայտնեց «Ընդդեմ իրավական կամայականությունների » ՀԿ նախագահ,, ՀՀ առաջին մարդու իրավունքների պաշտպան Լարիսա Ալավերդյանը՝ անդրադառնալով ՍԴ-ի շուրջ վարչապետի կապանյան ասուլիսի ու դրան հաջորդած ուղիղ եթերի ժամանակ հնչեցրած հայտարարություններին։

Հիշեցնենք, որ Նիկոլ Փաշինյանը , ըստ էության հայտարարեց, որ ՍԴ-ի շուրջ ընթացող գործընթացներից տեղյակ է, հետեւում է եւ խախտելով անմեղության կանխավարկածը , ըստ էության սեփական դատավճիռը կայացրեց ու ասաց, որ ՍԴ նախագահն ընտրվել է կեղծիքով եւ ՍԴ նախագահի լիզորություններն օկուպացված են։

Լարիսա Ալավերդյանը ընդգծեց, որ խոսքը միայն անմեղության կանխավարկածի մասին չէ. «Խոսքը գնում է թե դատարանների մուտքերը փակելու հայտարարության մասին , թե անգամ ֆիզիկական միջամտությունները խրախուսելու։ Լավ, վարչապետը կոպիտ սխալներ է անում, վարչապետից զատ, մենք ունե՞նք քաղաքականութան մեջ արժանապատվություն ունեցող անձինք, ովքեր կարող են վերջապես այս դրության վրա ազդել, որովհետեւ պետք չէ սպասել, որ ժողովուրդը կրկին պետք է դուրս գա, վերջապես, կա՞ն մեխանիզմներ բացի փողոցից, որով կարելի է կանգնեցնել այս գործընթացը»։

Իրավապաշտպանը կոչ արեց բոլորին, ովքեր մտածելու ունակություն ունեն՝ ամենամեղմից միչեւ որոշակի քայլեր՝ իրականացնել, որոնք կկարողանան դադարեցնել այս վտանգավոր գործընթացը։

Աղբյուր` Փաստինֆո