Փաստ ինֆո

Հիբրիդ՝ բառի բառարանային նշանակությունն է՝ տարբեր տեսակների՝ ցեղերի և այլն պատկանող կենդանիների կամ բույսերի խաչավորումով ստացվող օրգանիզմ: Կենսաբանական նշանակության տրամաբանությանը համահունչ էլ բացատրվում է 20-ի դարավերջից տարածում ստացած հիբրիդային պատերազմների էությունը:

Այն, որ Հայաստանում Նիկոլ Փաշինյանի իրականացրածն այսպես կոչված՝ հիբրիդային հեղափոխություն էր, որին ներհատուկ լոկալ կամ փոքրիկ պատերազմներն առայսօր նա շարունակում է իրականացնել, վիճարկման տեղ, ըստ ամենայնի չի թողնում:

Ընդ որում, ուշագրավ է այն, որ եթե դրսում օտար կամ թշնամի երկրներին են թիրախավորում, ապա Փաշինյանը այսօր լինելով մեր պետության թիվ 1 պաշտոնյան, հենց պետության ներսում է գործում հիբրիդային գործողությունների մոտիվներով: Միաժամանակ, Փաշինյանը Փաշինյան չէր լինի, եթե իր իսկ գործածը չփորձեր դիմացինին վերագրել՝ ով ավելի շուտ, կամ՝ ով առաջինը՝ նախահարձակ՝ տրամաբանության շրջանակում:

ՈՒղղակի Հայաստանում ավելի շատ գործ ունենք տեսարաններիի հետ, որոնք և՛ հղացողը, և՛ տարածողը Փաշինյանն է: Լինելով տեղեկատվության ոլորտի մարդ, նա հստակ պատկերացնում է հերթական հիբրիդային գործողության ազդեցության տիրույթները:

Վերջին մեկ շաբաթվա քրոնիկոնը փաստում է, որ, Փաշինյանը հասարակությանը շատ կարևոր իրադարձություններից շեղելու խնդիր է լուծում: Այս համատեքստում նա և՛ Էրեբունի պլազայում ահաբեկչության տեսարան խաղարկեց, և՛ Երևան-Կապան արտագնա ասուլիս տվեց, որի արդյունքում զարհուրելիորեն երկար ու համառ ընթացքով կանգ առավ իր իսկ հորինած՝ մի գրիչի բազմադրվագ պատմությանը՝ լայվ-ռեժիմով հրամցնելով այն հանրությանը, զուգահեռաբար էլ՝ փուռը տալով իր որոշ կուսակիցների:

Երեկ՝ ազգային բանակի տոնի խորհուրդն և կարևորությունը շեշտելու, օրվա հերոսներին մեծարելու, հայրենիք ազատագրողներին և սահման պահողներին դոմինանտ դարձնելու փոխարեն՝ նա կրկին դիմեց հիբրիդային գործողությունների՝ ողջ օրը՝ առավոտից երեկո տեղեկատվական հոսքերի դոմինանտը դարձնելով իր սիրած՝ ասֆալտին փռելու, ձեռքերը ոլորելու ժանրը:

Ի դեպ, Փաշինյանի համար այս սցենարն արդեն վաղուց խաղարկային է դարձել, սակայն քանի որ նրա ապոգեյը Հայկո-Մկոյից այն կողմ չի գնում, վերջինս պատճառահետևանքային լուրջ բացեր ուներ: Ասենք, սև-դիմակավորների թիրախում հայտնվածներին փողոցում բռնում և գետնին էին պառկեցնում, հետո՝ թևերը ոլորելով տանում ոստիկանության բաժին, թե բա՝ զենք-զինամթերք եք պահում և կամ թմրամիջոցներ: Հանրության շրջանում այս գործողության նպատակներից մեկն էլ դիտարկվում էր տվյալ անձանցից հերոսականորեն ընդդիմացող կերպարներ, ընդդիմադիրներ կերտելը: Թե որքանով է այս վարկածը իրական, ժամանակը ցույց կտա:
Բայց որ երկրի ներսում հիբրիդային պատերազմի լոկալ գործողություններ իրականացնելուց ընդդարմացած Փաշինյանը Բանակի օրվան հաջորդող առավոտյան պարկուճներից ու փամփուշտից յուրահատուկ զարդեր պատրաստող հայի մոտիվն էր շեշտել, արդեն իսկ խոսուն էր:

Ընդ որում, Մնացականյան-Մամեդյարով հանդիպմանն ընդառաջ:

Մարինե Մինասյան

Աղբյուր` Փաստինֆո