Փաստ ինֆո

 Ունեմ հստակ տեղեկատվություն, որ «Սորոս»-ի գրասենյակի ղեկավար Լարիսա Մինասյանը խիստ դժգոհ է մնացել իր մոտ վարչապետ աշխատող Նիկոլ Փաշինյանի վերջին ասուլիսի՝ մասնավորապես  Սորոսի մասով տեքստից։ «Փաստինֆո»-ի հաղորդմամբ մամուլի ասուլիսի ժամանակ այս մասին հայտարարեց «ՎԵՏՕ» շարժման հիմնադիր Նարեկ Մալյանը։

«Երբ Նիկոլ Փաշինյանն ուղիղ տեքստով Սորոսի գրասենյակին մեղադրել է նախկին իշխանությունների հետ համագործակցության և այդ համագործակցության արդյունքում իշխանությունն ապօրինի պահելուն աջակցելու մեջ։ Վարչապետը հայտարարեց, որ սորոսականներն իրենց գործունեությունը 20 տարի առաջ էին ծավալում Հայաստանում և նախկին իշխանությունը հանդուրժում էր նրանց գոյությունը մեր երկրում՝ նպատակ ունենալով միջազգային կառույցներում ստանալ իրենց լեգիտիմության հավաստիացումներ։ Նիկոլ Փաշինյանը բաց թողեց մի շատ կարևոր մանրուք՝ բա էդ դեպքում Դուք ինչու՞ եք հանդուրժում։ Այդ հարցին ես կպատասխանեմ։ Նիկոլ Փաշինյանը հանդուրժում է ՀՀ-ում Սորոսի գրասենյակը, որովհետև Սորոսի գրասենյակը Նիկոլ Փաշինյանի համար ապահովում է միջազգային որոշ հարթակներում ոչ թե իշխանություն զավթողի, այլ հեղափոխական առաջնորդի կերպար։ Այսինքն՝ Նիկոլ Փաշինյանի ԱՄՆ կատարած այցին սորոսականները բերեցին Ադամ Շիֆին։ Կարող էին ոչ մեկի չբերել և նա տխուր-տրտում կկանգներ Գլենդելի այգում։ Ոչ մեկ չէր պատվի նրա ներկայությունը։ Ձեր երեխաներից տրանսֆիստիտ, մարմնավաճառներ սարքելու գործընթացի դիմաց Նիկոլ Փաշինյանին վճարում են «լեգիտիմությամբ» միջազգային հարթակներում»,-ասաց Նարեկ Մալյանը։

Վերջինս հայտարարեց, որ վարչապետը չի իրականացնելու սորոսականների հետ կապված որևէ հետաքննություն. «Որովհետև Նիկոլ Փաշինյանը վարչապետ է աշխատում Լարիսա Մինասյանի մոտ և Նիկոլ Փաշինյանը նույնիսկ ուժերի լավագույն լարումով չի կարող, այդքան չկա, որ որևէ հետաքննություն իրականացնի»,-ասաց Նարեկ Մալյանը՝ հավելելով, որ ցանկացած հետաքննության դեպքում պատրաստ է ուժերի ներածին չափով օգնել ընդհուպ գնալ և հետաքննության արդյունքներով նստի. «Նա աշխույժ առևտրի մեջ է մտել Սորոսի գրասենյակի հետ»,-ընդգծեց Նարեկ Մալյանը։

Աղբյուր` Փաստինֆո