Փաստ ինֆո

Գեներալ-մայոր Աստվածատուր Պետրոսյանը գտնում է, որ Հայոց բանակը ոչ թե 28 տարեկան է, այլ՝ ստեղծված է 1990թ.-ից։ «Փաստինֆո»-ի հետ զրույցում ասաց ազատամարտիկ, գեներալ-մայոր Աստվածատուր Պետրոսյանը։

«1990թ-ից արդեն ունենք գործող շատ ուժեղ ստորաբաժանումներ, թե Արցախում, թե՛ այստեղ։ Նոյեմբերյանից Մեղրի փռված վաշտեր, երկրապահ կամավորների շտաբեր, Հայոց ազգային բանակի, շատ զորախմբեր՝ «Տիգրան Մեծ-ի», «Արաբո»-ի, մահապարտների մի ամբողջ հսկայական զորագունդ և արցախի բոլոր 6 ինքնապաշտպանական շրջանները և կենտրոնական ինքնապաշտպանկան շրջանը»,- ասաց գեներալ-մայորը՝ շեշտելով, որ պատերազմում նպատակ էր դրված առաջինը սահմաններն ամուր պահելը և քոչվորական ցեղերի հարձակումներից մաքրելը։

«Մեր դեմ դուրս եկավ Սովետական միությունը, որը սուտ ինտեռնացիոնալիզմի գաղափարներով ասում էր՝ Ղարաբաղը տվեք, միայն մշակութային ձեր խնդիրները լուծեք, այն էլ՝ առանց խաչի, առանց մեռոնի»,- նշեց գեներալ-մայորը։

Նրա խոսքով՝ բանակը վերադարձրեց խաչն ու մեռոնը՝ Շուշիի ազատագրումով, որը կուլմինացիոն պահ էր և այդ պահից դա դարձավ առաջին ճակատամարտը, առաջին լուրջ հաջողությունը, որի հիմքի վրա բանակը տոնեց բանակի ստեղծման օրը՝մայիսի 28-ին։

Աստվածատուր Պետրոսյանը հիշում է, որ այդ օրը Վազգեն Սարգսյանը Վազգեն Կաթողիկոսին ասել է, որ աշխարհի ժողովուրդների առջև ծիծաղելի կթվա, որ մեր բանակը ստեղծվում է այս չորս գնդերի և մեկ բրիգադի շուրջ, զինվորները երդում են տալիս հրապարակում և վաղը մյուս օրը՝ կանցնի 2-3 տարի, պատերազմում կհաղթենք, արդյունքում դուրս կգա մի այնպիսի կառուցիկ բանակ, որ այդտեղով կանցնի հզոր, մոբիլ ուժերը, լավագույն սպառազինությամբ և տեխնիկայով, մեծ հաղթանակով՝ ծայրից ծայր լցված նոր Շուշիներով։

«1996թ.-ի սեպտեմբերի 21-ին նա զեկուցեց, որ բանակը կայացել է և այդտեղ անցնում են բոլոր ստորաբաժանումները՝ հակաօդային պաշտպանությունից մինչև սահմանապահ զորքերը, հատուկ նշանակության բրիգադաներից մինչև օդային ուժերը և եռագույնն օդում պայթում էր՝ գեղեցկությամբ ու ամենակարևորը խանդավառությամբ»,- ասաց Պետրոսյանը՝ նշելով, որ այդ ժամանակ արդեն ազատագրված է եղել 12 հազ. Քառ. Կմ և իրենց զսպել են այն պատճառով, որ դեռևս դա պետք էր մարսել, թեև մինչ օրս չեն թողում, որ մարսեն։

Հարցին, թե ինչպե՞ս է գնահատում մեր բանակի մարտունակությունը, գեներալ-մայորն ասաց, որ բանակի հզորությունը չափվում է զինվորի ուսապարկի կշիռով։

«Օրինակ՝ ամերիկյան բանակի ուսապարկի կշիռը կազմում է 44 կգ, իսկ մեր ուսապարկի կշիռը՝ կազմում է մոտավոր 16 կգ։ Այսինքն՝ գրեթե չորս անգամ ավելացվել է»,- նշեց Պետրոսյանը՝ գնահատելով 5բալանոց համակարգում՝ 4 միավոր։

Նրա խոսքով՝ բանակն այնպես է աշխատում, որ համապատասխանի թե՛ ՆԱՏՕ-ի չափանիշներով, թե՛ հատուկ նշանակության սկզբունքներին։

Ինչ վերաբերում է 80-ական թվականների զենքերին, ապա գեներալ-մայորն ասաց, որ անգամ Գերմանին չի հրաժարվել հին զենքերից և այժմ օգտագործում է 1941թ-ի զենքեր, պարզապես այժմ մոդելավորում ենք զենքերը։

«Ես անձամբ 1998թ.-ին բերել եմ իսկանդերի տիպի զենք։ Այնպես, որ այդ զենքերը մեզ պետք են։ Այսօր Սիրիայի բանակում ռուսներն օգտագործում են սովորական գրադի ուստանովկաներ։ Դրանք ավելի արդյունավետ են»,- ասաց գեներալ-մայորը՝ շեշտելով, որ դա զինվելու միակ միջոցը չէ. «Զենքը պետք է կրակի քո աչքերից»։

Մանրամասները՝ տեսանյութում

Աղբյուր` Փաստինֆո