Փաստ ինֆո

Թե՛ Արցախյան ազատամարտի սկզբին, երբ բանակը ձևավորված չէր ու ֆիդայական շարժումով էր, թե՛ Ապրիլյան պատերազմն ինձ հստակ հիմնավորեցին, որ աշխարհում չկա որևէ զենք, որը կարող է հաղթել ոգուն։ Լրագրողներ հետ զրույցում այս մասին ասաց «Հանրապետություն» կուսակցության նախագահ Արամ Սարգսյանը։

«Մեր զինվորի, մեր աշխրահազորայինի ոգին է, որ հաղթել է այդ պատերազմում ու թշնամին պետք է դա շատ լավ իմանա։ Մենք պահում ենք մեր հայրենիքը և ցույց տվեցինք, որ տարածաշրջանի ամենամարտունակ բանակն ենք։ Հիմա էլ ցույց ենք տալիս, որ անկախ նրանից իշխանություն ես, թե ընդդիմություն, տղամարդ ես, թե կին, տարեց ես, թե երիտասարդ, մեր բոլորի մոտեցումը բանակի հանդեպ նույնն է»,-ասաց Արամ Սարգսյանը՝ ընդգծելով, որ հայ մարդը սիրում է բանակը և բանակով է իրեն պաշտպանված զգում։

Արամ Սարգսյանին շատ են ուրախացնում սպառազինությունների մրցավազքի ընթացքում նոր զենքերի, նոր զինատեսակների գնումը. «Հակառակորդը որոշակի գործողություններ անելուց առաջ այդ ուղղությամբ մտածելու է։ Բավարարում է նաև զորակոչի գործընթացը։ Պիտի ասեմ, որ նախկինում եթե որևէ տեղ զինվորականի ընկնելու կամ բանակից ազատվելու խնդիրները հովանավարոչության կամ կաշառքի, կոռուպցիոն մեթոդներով հնարավոր էին, հիմա գրեթե անհնարին են դարձել, ինչը, միանշանակ, ողջունելի է։ Ողջունելի է նաև շատ լավ զինվորականների, որոնք լավ անցած ճանապարհ ունեն, նրանց առաջխաղացումը, կոչումները տալը»,-նշեց Արամ Սարգսյանը։

Աղբյուր` Փաստինֆո