Փաստ ինֆո

Հենց այս պահին տևական ժամանակ է՝ Մարդու իրավունքների պաշտպանի գրասենյակի աշխատակիցները ներսում՝ մուտքի մոտ կանգնած են, և նրանց չեն թողել ներս մտնել։ Լրագրողների հետ զրույցում այս մասին հայտարարեց ԱԺ աշխատակազմի ղեկավարի նախկին տեղակալ Արսեն Բաբայանը։

Հարցին՝ ինչ նպատակ է հետապնդում Նարեկ Մալյանին բերման ենթարկելը, Արսեն Բաբայանն ասաց. «Եթե դիտարկենք բերման ենթարկելու պրոցեսը, դիմակավորված ոստիկանության աշխատակիցների կողմից ասֆալտին պառկեցնելով, ձեռնաշղթաներ հագցնելով, ապա դրա հրաման տվողը կարծել է՝ այդպես կարող է վախեցնել անձանց։ Բայց համոզվել ենք, որ այսօր քիչ են վախեցնողները։ Կարող են ցանկացածիս ցանկացած ժամանակ բերման ենթարկել թեկուզ անհեթեթ հիմնավորումներով, ինչ ունենք հիմա Նարեկ Մալյանի դեպքում»,-հավելեց Արսեն Բաբայանը։

Նշենք, որ քիչ առաջ «Քաղաքացիական գիտակցություն» ՀԿ նախագահ Նարեկ Սամսոնյանը լրագրողների հետ զրույցում հայտարարեց, որ բերման են ենթարկվել նաև «Ադեկվադ» կուսակցության անդամներ Արթուր Դանիելյանը և Կոստանտին Տեր-Նակալյանը։ Նշենք, որ Նարեկ Մալյանը բերման է ենթարկվել ապօրինի զենք-զինամթերք պահելու կասկածանքով։

Աղբյուր` Փաստինֆո