Փաստ ինֆո

Տոներից հետո ժամանակն է անցնել առողջ սննդակարգի։ «Փաստինֆո»-ի հետ զրույցում «Սիրմեդ» բկ-ի գաստրոէնտերոլոգ Տաթև Հարությունյանը խոսել է այն մասին, թե ինչպես կարելի է տոնական օրերին կանխարգելել սննդային թունավորումները։

«Գնալով սննդային թունավորումների դեպքերն ավելի քչանում են։ Նախ` իմ կարծիքով մեծ մասն ավելի շատ աշխատում է և ժամանակ չի ունենում անգամ պահածոներ փակել, հետևաբար գնում են պահածոները, որոնք բնականաբար ավելի ճիշտ պայմաններում են պատրաստված։ Քանի որ արդեն ստերիլիզացիայի է ենթարկվում և դրանցից թունավորումների դեպքն իմ կարծիքով զրոյի է հավասար»,-նշեց գաստրոէնտերոլոգը։

Նախորդ տարիների համեմատ սննդային թունավորումների պակասն այս տարի պայմանավորված է նաև մարդկանց տեղեկացվածության աստիճանով։ Մասնագետի խոսքով քաղաքացիներն արդեն հասկանում ն, որ տնային պայմաններում պահածոներ փակելու փոխարեն ավելի նպատակահարմար է օգտագործել գործարանային պահածոներ։ Սակայն սննդային թունավորումները չեն սահմանափակվում միայն պահածոներ օգտագործելով.

«Ցանկանում եմ հորդորել նաև չսնվել հին ուտելիքներով, մեծամասամբ դա վերաբերում է աղցաններին, որոնք թթվասերային ու մայոնեզային խառնուրդներով են և որոնք պատրաստված են լինում մի քանի օր։ Բացի այդ չի կարելի խառնել նաև ալկոհոլային խմիչքները։ Առհասարակ այն հիվանդները, որոնք ստամոքսային տրակտի հետ կապված խնդիրներ ունեն, առհասարակ որևէ ալկոհոլի օգտագործում, անգամ տոների ընթացքում պետք չէ»,-հավելեց Տաթև Հարությունյանը։

Աղբյուր` Փաստինֆո