Փաստ ինֆո

Խորհրդարանը քննարկում է «Հանրակրթության մասին» ՀՀ օրենքում լրացումներ և փոփոխություն կատարելու մասին օրենքի նախագիծը և կից օրենքում փոփոխություն կատարելու մասին» նախագիծը, որով առաջարկվում են հանրակրթության ոլորտը կարգավորող մի շարք փոփոխություններ։

ԿԳՄՍ նախարար Արայիկ Հարությունյանն ասաց, որ նախ սահմանվել են հեռավար կրթության և կրեդիտային համակարգի նկարագրությունները. «Ըստ այդմ հեռավար, դիստանցիոն կրթական ծրագիր իրականացման այլընտրանքային ձև է սահմանվել, որի շրջանակներում անմիջական և ոչ անմիջական ուսուցման գործընթացն իրականացվում է հիմնականում տեղեկատվական տեխնոլոգիաների և հեռահաղորդակցության միջոցներով»,-նշեց նախարարը։

Վերջինս նկատեց՝ բախվում ենք մի իրավիճակի, երբ հեռավոր ուսուցման կազմակերպումն արդեն համակարգի միջոցով խիոստ անհրաժեշտություն է առաջացնում.

«Մի շարք համայնքներում ունենք ուսուցիչների պակաս։ Այս ծրագրերի շրջանակներում տարիներ շարունակ իրականացվել են պիլոտային ծրագրեր։ Դրանք հաջող են եղել և բոլոր այն խնդիրները, որոնք առաջացել են այդ ընթացքում վերհանված և արձանագրված են։ Օրենքի փոփոխությունը թույլ կտա իրականացնել համակարգային փոփոխություններ»,-հավելեց Արայիկ Հարությունյանը։

Աղբյուր` Փաստինֆո