Փաստ ինֆո

Բուհերի հետ կապված խորհուրդներում ես անմիջական մասնակցություն եմ ունեցել և բոլորին նախարարի համաձայնությամբ զանգել և առաջարկել եմ ներգրավվել խորհուրդների կազմերում։ Ազգային ժողովում այս մասին ասաց «Իմ քայլը» խմբակցության պատգամավոր Հովհաննես Հովհաննիսյանը։ 

Պատգամավորի խոսքով շատերը պարզապես հրաժարվել են այդ առաջարկից, քանի որ դա ավելորդ ծանրաբեռնվածություն է։ Ավելին, նա հայտնեց, որ շուտով Բարձրագույն կրթության և գիտության մասին» օրենքում այդ հարցն ամբողջությամբ կարգավորվելու է. «Պատրաստվում ենք խորհրդարանական լսումներ հրավիրել և լսումների ժամանակ ևս դա քննարկելու ենք։ Վերցրեք նայեք բուհերի խորհուրդների նախագահներին ու համեմատեք նախկին նախագահների հետ։

Կտեսնեք, որ գործարար և այլ ոլորտից, քաղաքական մարդիկ էին։ Հստակ կարող ենք ասել՝ այսօր բուհերը, դպրոցները քաղաքականացվածությունից զերծ են։ Երբ քոլեջներից մեկում տեսա փակցրել են Նիկոլ Փաշինյանի նկարը, ասացի՝ հանեն։ Շոկի մեջ էին ամբողջ քոլեջով։ Շատերը չեն գիտակցել, որ դրություն է փոխվել և այլ մտածողության տեր մարդիկ են այսօր իշխանության եկել»,-նշեց պատգամավորը։

Հովհաննես Հովհաննիսյանը նաև ասաց, որ իր առաջարկած հարցը բուհի կառավարման խորհրդում չի անցել, իսկ նախկինում նման բան պատգամավորի վստահեցմամբ հնարավոր չէր։

Աղբյուր` Փաստինֆո