Փաստ ինֆո

Ուկրաինաբնակ հայազգի մարզիկները մեդալներ են նվաճել Դանիայի հունահռոմեական ոճի ըմբշամարտի  Thor Masters մրցաշարում, հայտնում է հայտնում է AnalitikaUA.net-ը։

Հունվարի 17-18-ը Դանիայում (Նյուքյոբինգ Ֆալստեր) անցկացվել է 18-րդ Thor Masters հունահռոմեական ըմբշամարտի միջազգային բարձրագույն կարգի մրցաշարը:

Մրցելույթների արդյունքում մրցաշարի հաղթող է ճանաչվել Կորյուն Սահրադյանը (55 կգ), իսկ 60 կգ քաշային կարգում Ժորա Աբովյանը նվաճել է արծաթե մեդալ:

Ըստ Ուկրաինայի հայերի միության մամուլի ծառայության հաղորդման՝ մեդալների մրցաշարային աղյուսակում Ուկրաինայի ներկայացուցիչները նվաճել են չորս մեդալներ՝ զբաղեցնելով երկրորդ թիմային տեղը Դանիայի մրցումներում:

ՈՒՀՄ - ն հիշեցրել է, որ բարձ նվաճումների համար մարզիկներին պարգևատրելը, խոստումնալից երիտասարդներին նյութական օգնություն ցուցաբերելը և աջակցելը, Ուկրաինայի հայերի միության անփոփոխ ավանդույթներն են: 2019-ի եզրափակիչ համաժողովում Սպորտի հարցերով հանձնաժողովի նախագահ Արմեն Վարդանյանը անձամբ հանձնեց Ուկրաինայի հայերի միության պարգևը Ժորա Աբովյանին:

Հիշեցնենք նաև, որ հոկտեմբերի 30-ին, «Միասնության համաժողով» միջոցառմանը ելույթ ունեցավ Ուկրաինայի հայերի միության նախագահի տեղակալ և Սպորտի հարցերով հանձնաժողովի նախագահ Արմեն Վարդանյանը: Համաժողովի բանախոսների թվում էին Ուկրաինայի նախագահ՝ Վլադիմիր Զելենսկին, ենթակառուցվածքների նախարար՝ Վլադիսլավ Կրիկլիին և այլ հայտնի քաղաքական և հասարակական գործիչներ:

Ըստ Օլիմպիական մեդալակիր Արմեն Վարդանյանի՝ սպորտը միավորում է մարդկանց ամբողջ աշխարհում, մասնավորապես ուկրաինացի մարզիկներին:

Հիշեցնենք, որ Ուկրաինայի Հայերի միությունը հատուկ ուշադրություն է դարձնում սպորտին և Ուկրաինայի մարզիկներին աջակցությանը։ Բացվում են տարբեր մարզական խմբակներ։ Մարզական միջոցառումներին շնորհվում են ՈՒՀՄ նախագահ Վիլեն Շատվորյանի մրցանակներ։ ՈՒՀՄ մարզական խմբակներում մարզվում են տարբեր ազգերի երեխաներ։

Աղբյուր` Փաստինֆո