Փաստ ինֆո

ՍԴ նախագահ Հրայր Թովմասյանի հեռախոսազանգերի գաղտնալսման մասին նրա փաստաբանը ծանոթացել է մամուլից և հաստատվելու դեպքում` կարձագանքեն: Այս մասին «Փաստինֆո»-ի հետ զրույցում ասաց Հրայր Թովմասյանի փաստաբան Ամրամ Մակինյանը:

Մակինյանը ո՛չ հաստատեց, ո՛չ հերքեց շրջանառվող տեղեկությունները` նկատելով, որ եթե նման գործողություն իրականում կատարվել է, ապա նման նիստերին պաշտպանական կողմը ներկա չի լինում: Փաստաբանն իրավիճակը բացասական գտնահատեց և՛ որպես անձ, և՛ որպես իրավաբան, իսկ որպես Հրայր Թովմասյանի պաշտպան ևս մեկ անգամ արձանագրեց, որ դա քայլ է Սահմանադրությամբ անձեռնմխելիությամբ օժտված անձի իրավունքները խախտելու, որին անպայման կարձագանքեն:

Նշենք, որ այսօր մամուլում տեղեկություն էր տարածվել առ այն, ՀՔԾ ՀԿԳ քննիչ Ասատրյանը միջնորդություն է ներկայացրել դատարան՝ Հրայր Թովմասյանի հեռախոսային խոսակցությունները գաղտնալսելու և նախկին խոսակցությունների վերծանումներն առգրավելու թույլտվություն ստանալու համար։
Առաջին ատյանի դատարանը մերժել է միջնորդությունը, սակայն գլխավոր դատախազը բողոքարկել է, և վերաքննիչ դատարանի դատավոր Սևակ Համբարձումյանը բավարարել է այն։ Արդյունքում, երկուշաբթի օրվանից ՀՔԾ-ն սկսել է օրինական հիմքերով գաղտնալսել Թովմասյանի զանգերը և համապատասխան բջջային օպերատորից առգրավել է նրա նախկին հեռախոսազանգերի վերծանումները։

Աղբյուր` Փաստինֆո