Փաստ ինֆո

Երբ իմ գործընկեր Սուրեն Գրիգորյանն այստեղից խոսում էր՝ ուզում էի ասել պարոն Աշոտյան, կեղծամով եկել եք այստեղ ի՞նչ անեք։ Կարծես բառացի նույն ելույթները լինեն, նույն տոնայնությամբ, նույն ինքնասիրահարված մոտեցմամբ։ Այս մասին այսօր ԱԺ ամբիոնից ասաց «Լուսավոր Հայաստան» խմբակցության քարտուղար Գևորգ Գորգիսյանը։

«Հարգելիներս, եթե ձեր նախագծին դեմ ենք, դա չի նշանակում, որ պետական շահին դեմ ենք։ Լավ, ժողովուրդն էլ եք դուք, պետություննել եք դուք, պետական շահն էլ եք դուք, իշխանությունն էլ եք դուք։ Բա հետո՞, Հյուսիսային Կորեա՞ եք կառուցում։ Տարրական երկխոսելու մշակույթ սովորելու՞ եք ի վերջո»,-դիմել իշխանությանը ասաց Գորգիսյանը։

Նա շեշտեց՝ ԱԺ ամբիոնը գաղափարների բախման համար է. «Ոչ թե, եթե ինչ-որ մեկը ձեզ հետ համաձայն չէ, ուրեմն պետական շահին դեմ է։ Պետական շահն է՞լ եք դուք որոշում, միանձնյա՞, այստեղ պետք է միասին քննարկենք ու որոշենք՝ որն է բխում պետական շահից։ Մեր բոլոր քայլերը, բոլոր առաջարկները, ելույթները ուղղված են պետական շահին։ Հենց այսօր էլ մենք չենք ուզում, որ ժողովրդավարությունը հերթական հետքայլն անի, որովհետև դուք ձեր ամբարտավան կեցվածքով ու ելույթներով փորձելու եք ընդդիմությանը լռեցնել։ Թե բա եթե մեզ հետ համաձայն չեք, ուրեմն պետական շահին եք դեմ։ Դուք հասկացեք պետական շահը, նոր հետո խոսեք դրանից»,- հայտարարեց ընդդիմադիր պատգամավորը։

Աղբյուր` Փաստինֆո